ՀՀ մշակույթի նախարարությունը, Երևանի քաղաքապետարանը և <<Սայաթ-Նովա>> մշակութային միությունը ս.թ. մայիսի 23-ին, ժամը 12:00-ին /Սայաթ-Նովայի հուշարձանի մոտ/ հրավիրում են մասնակցելու
Սայաթ-Նովային նվիրված ավանդական Վարդատոնին:
Համերգային ծրագիրը ներկայացնում է <<Սայաթ-Նովա>> աշուղական երգի վաստակավոր անսամբլը: Գեղ.ղեկավար` ՀՀ վաստակավոր արտիստ Թովմաս Պողոսյան:
Դելփյան խաղերի մեկնարկի նախօրեին Առնո Բաբաջանյան համերգասրահում տեղի ունեցավ ասուլիս, որին մասնակցում էին ՀՀ փոխվարչապետ, ՀՀ տարածքային կառավարման նախարար, Դելփյան խաղերի կազմկոմիտեի նախագահ Արմեն Գևորգյանը, ՀՀ մշակույթի նախարար, Դելփյան խաղերի կազմկոմիտեի փոխնախագահ Հասմիկ Պողոսյանը և Դելփյան միջազգային կոմիտեի տնօրեն Վլադիմիր Պոնյավինը:
Ս. թ. հունիսի 25-ին, ժամը 19:00 “Մոսկվա” կինոթատրոնում տեղի կունենա “Մեծ տոն” և “30 տարի և 3 օր” ֆիլմերի անդրանիկ ցուցադրությունները:
“Մեծ տոն” կինոնկարը նկարահանվել է 2008 թ., Հայաստանի ազգային կինոկենտրոնի կողմից` դրամա է, 35 րոպե տևողությամբ: Սցենարի հեղինակներն են Ռուբեն Գևորգյանցը և Գեորգի Կևորկովը, բեմադրիչ ռեժիսորը Վահե Գևորգյանցն է, գլխավոր դերերում նկարահանվել են Կարեն Մանուկյանը, Շանթ Վարդազարյանը:
Հայ-ռուսական մշակութային համագործակցության շրջանակներում և << ՀՀ մշակությի նախարարության և ՌԴ մշակույթի նախարարության միջև 2010-2012 թթ. համագործակցության մասին>> ծրագրի շրջանակներում Հայաստանի թատերական գործիչների միության ներկայացմամբ ս. թ. հունիսի 21, 22 և 24-ին հյուրախաղերով հանդես կգա Բորիս Ալեքսանդրովիչ Պոկրովսկու անվան Մոսկվայի պետական ակադեմիական կամերային երաժշտական թատրոնը:
Հ. Պարոնյանի անվան երաժշտական կոմեդիայի պետական թատրոնի բեմում աշխարհահռչակ օպերային ռեժիսոր Բ. Ա. Պոկրովսկու անունը կրող երաժշտական թատրոնը հունիսի 21-ին և 22-ին հայաստանյան թատերասեր հասարակայնության դատին կներկայացնի Մոցարտի <<Դոն Ժուան կամ պատժված սրտակերը>> /առաջնախաղը`1987 թ./ ուրախ դրամա երկու գործուղությամբ ներկայացումը, իսկ հունիսի 24-ին` Մոցարտի <<Կախարդական սրինգ>> / առաջնախաղը` 2004 թ./` երկու գործողությամբ օպերան:
ՀՀ մշակույթի նախարար Հասմիկ Պողոսյանը ընդունեց ՅՈՒՆԵՍԿՕ-ի թատերական քննադատների միջազգային ասոցիացիայի համաշխարհային համաժողովի պատվիրակությանը: Իր խոսքում նախարարը նշեց և կարևորեց հեղինակավոր այդ կազմակերպության ներկայությունը Երևանում, նաև նախարարության շահագրգռվածությունը նրանց և ՀԹԳՄ-ի հեռանկարային համագործակցությամբ ու նաև նախարարության հետաքրքրվածությունը իմանալու դրսի մասնագետների կարծիքը ժամանակակից հայ թատերարվեստի զարգացումների վերաբերյալ: 
ՀՀ մշակույթի նախարարությունը ՀՀ-ում Ֆրանսիայի դեսպանության հետ համատեղ 2007 թվականից, արդեն 4-րդ տարին, ավանդաբար հունիսի 21-ին անց է կացնում <<Երաժշտության տոն>> ակցիան:
Նախաձեռնությունը Ֆրանսիայի մշակույթի նախարարությանն է /1982 թ./, որը տարեցտարի առավել լայն տարածում գտնելով, այսօր արդեն բացօթյա կենդանի կատարումներով <<Երաժշտության տոնի>> գաղափարի շուրջ է համախմբում աշխարհի ավելի քան 110 երկրների պրոֆեսիոնալ և ոչ պրոֆեսիոնալ կատարողների: Եվ աշխարհի ավելի քան 350 քաղաքներում ամեն տարի հունիսի 21-ին նշում են <<Երաժշտության տոնը>>:
ՀՀ մշակույթի նախարարության աջակցությամբ երեկ Արամ Խաչատրյան համերգասրահում տեղի ունեցավ ՀՀ ԳԱԱ արվեստի ինստիտուտի փոխտնօրեն Աննա Ասատրյանի հեղինակած <<Ամենայն հայոց Մաեստրոն. Հովհաննես Չեքիջյան>> գրքի շնորհանդեսը:
Հեղինակն այս նորընծա գրքով ընթերցողին է ներկայացվում ԽՍՀՄ և ՀԽՍՀ պետական մրցանակների դափնեկիր, Երևանի պատվավոր քաղաքացի, պրոֆեսոր, վերջերս արդեն <<Սուրբ Մեսրոպ Մաշտոց>> շքանշանակիր Հովհաննես Չեքիջյանի ստեղծագործական 65- ամյա փառապանծ ուղին: Ահա այսպիսին է մաեստրոյի ինքնախոստովանությունը:
Մայրաքաղաք Երևանի հարավ-արևելյան արվարձանում վեր բարձրացող Արին-բերդ բլրին և դրա շուրջն է հիմնադրվել ուրարտական Էրեբունի քաղաքը: Դեռևս 1879-ին բլրի ստորոտից հայտնաբերված 1-ին սեպագիրը, այնուհետև ռուս հնագետ Ա. Ա. Իվանովսկու ուսումնասիրությունները միանշանակ ձևավորեցին մասնագիտական հետաքրքրություն հնավայրի նկատմամբ, իսկ 1950 թ. հայտնաբերված Արգիշտի Ա-ի սեպագիր արձանագրությունը հիմք հանդիսացավ պարբերական գիտական ուսումնասիրությունների համար, որոնք սկսվեցին 1952 թվականից: Միջնաբերդի տարածքից գտնված 23 սեպագիր արձանագրություններից 2-ը պատմում են մ. թ. ա. 782թ. Արգիշտի Ա-ի կողմից Էրեբունի քաղաքի հիմնադրման մասին` հաստատելով դեռևս Վանի տարեգրությունից հայտնի տեղեկությունը քաղաքի հիմնադրման մասին, ինչպես նաև լույս են սփռում Արին-բերդի շրջակայքում Էրեբունիի տեղակայման մանրամասների վերաբերյալ: Այդ արձանագրությունը, որն նդունված է համարել Երևան քաղաքի ծննդյան վկայականը, թույլ է տալիս մեր մայրաքաղաքը դասել եվրոպական հնագույն մայրաքաղաքների շարքին` 29 տարով ավագ <<հավերժական քաղաք>> Հռոմից /հիմնադրված մ. թ. ա. 753թ.` ըստ ավանդության/:
ՀՀ մշակույթի նախարարությունը, հատկապես վերջին տարիներին, հանդես է գալիս համարձակ նախաձեռնություններով` բազմաթիվ երաժշտական, թատերական, մանկապատանեկան և կինոփառատոները, մշակույթի բոլոր ոլորտներում ներկայացվող պրեմիերաները դրա վառ ապացույցն են: Նախաձեռնություններ, որոնք կարող էին կյանքի կոչվել միայն կայուն և գործին նվիրյալ բարեկամների միջոցով: Նախարարությունն, իրավամբ, կարող է հպարտանալ իր գործընկերներով, որոնց թվում մեծ տեղ ունի ՎիվաՍել-ՄՏՍ-ը, ի դեմս ընկերության գլխավոր տնօրեն Ռալֆ Յիրիկյանի: Մշակույթի նախարարությունը բարձր է գնահատում ՎիվաՍել-ՄՏՍ-ի հայկական մշակույթն աշխարհին ներկայացնելու ջանքերը: 
Աշխարհի 30 երկրներից շուրջ 65 անվանի թատերագետներ և թատերական լրագրողներ ժամանել են Երևան ոչ միայն քննարկելու ժամանակակից համաշխարհային թատրոնին վերաբերող խնդիրները, այլև դիտելու Հայաստանի թատրոնների առավել հաջողված ներկայացումները: Համաժողովի մասնակիցները կփորձեն գնահատական տալ հայ ժամանակակից թատերական գործընթացներին, ապա վերադառնալով յուրաքանչյուրը իր երկիր` հայ թատրոնին նվիրված վերլուծական հրապարակումներով հանդես կգան որևէ հայտնի հանդեսում կամ մամուլի էջերում: Հայաստանի թատերական գործիչների միությունը հետագայում նախատեսում է այդ հոդվածները հայերեն, ֆրանսերեն և անգլերեն լեզուներով ի մի բերել և հրատարակել մի ընդհանուր ժողովածուով: Հարկ է նշել, որ Հայաստանում նման հեղինակավոր միջոցառման անցկացումը աննախադեպ է և կամուրջ կարող է հանդիսանալ հայ ժամանակակից թատրոնի միջազգայնացման գործում: Աշխարհի 30 երկրներից շուրջ 65 անվանի թատերագետներ և թատերական լրագրողներ ժամանել են Երևան ոչ միայն քննարկելու ժամանակակից համաշխարհային թատրոնին վերաբերող խնդիրները, այլև դիտելու Հայաստանի թատրոնների առավել հաջողված ներկայացումները: Համաժողովի մասնակիցները կփորձեն գնահատական տալ հայ ժամանակակից թատերական գործընթացներին, ապա վերադառնալով յուրաքանչյուրը իր երկիր` հայ թատրոնին նվիրված վերլուծական հրապարակումներով հանդես կգան որևէ հայտնի հանդեսում կամ մամուլի էջերում: 
ՀՀ նախագահի տիկին Ռիտա Սարգսյանի հովանու ներքո, □Արամ Խաչատրյան- մրցույթ□ մշակութային հիմնադրամը, ՀՀ Մշակութայի նախարարությունն ու Երևանի պետական կոնսերվատորիան աջակցությամբ ԱՊՀ անդամ պետությունների հումանիտար համագործակցության միջպետական հիմնադրամի, ս.թ. հունիսի 6-14 Երևանում անցկացրեցին Արամ Խաչատրյանի անվան միջազգային մրցույթը` երկու (ջութակ, թավջութակ) մասնագիտություններով:
Հայաստանում հունիսի 26-ից հուլիսի 2-ը կանցկացվեն ԱՊՀ երկրների 6-րդ բաց երիտասարդական <<Դելփյան խաղերը>>` նվիրված Հայրենական մեծ պատերազմում հաղթանակի 65-ամյակին:
ԱՊՀ շրջանակներում Դելփյան խաղերը մեկնարկել են 2002 թ.` ԱՊՀ երկրների կառավարությունների ղեկավարների խորհրդի կողմից 2001 թ. Մոսկվայում ստորագրված <<ԱՊՀ մասնակից երկրների մինչև 2005 թ. մշակույթի ոլորտում հիմնական միջոցառումների մասին>> որոշման հիման վրա:
Հայաստանում Դելփյան երիտասարդական խաղերն անցկացնում են ՀՀ Կառավարությունը և ՀՀ մշակույթի նախարարությունը` ԱՊՀ երկրների Հումանիտար համագործակցության միջպետական հիմնադրամի աջակցությամբ:
to start
to top