ՀՀ մշակույթի նախարարությունը, Երևանի քաղաքապետարանը և <<Սայաթ-Նովա>> մշակութային միությունը ս.թ. մայիսի 23-ին, ժամը 12:00-ին /Սայաթ-Նովայի հուշարձանի մոտ/ հրավիրում են մասնակցելու
Սայաթ-Նովային նվիրված ավանդական Վարդատոնին:
Համերգային ծրագիրը ներկայացնում է <<Սայաթ-Նովա>> աշուղական երգի վաստակավոր անսամբլը: Գեղ.ղեկավար` ՀՀ վաստակավոր արտիստ Թովմաս Պողոսյան:
ՀՀ մշակույթի նախարար Հասմիկ Պողոսյանը ընդունեց Արամ Խաչատրյանի անվան միջազգային մրցույթի շնորհանդեսի շրջանակներում համերգային ծրագրով Հայաստան ժամանած Մոսկվայի պետական ակադեմիական սիմֆոնիկ նվագախմբի գեղարվեստական ղեկավար և դիրիժոր Պավել Կոգանին, ում խոսքերով Արամ Խաչատրյան կոմպոզիտորին ողջ աշխարհն է պատվում և մեծարում` նրա ազգային ակունքներով համամարդկային երաժշտության համար:
Զրույցի ընթացքում Պավել Կոգանը հետաքրքրական դրվագներ պատմեց նաև Մաեստրոյի հետ իր հանդիպումներից, բարի երթ մաղթեց Արամ Խաչատրյանի անվան միջազգային մրցույթի հոգաբարձուների խորհրդի աշխատանքներին և ասաց, որ իր համար մեծագույն պատիվ է այս օրերին խաչատրյանական կատարումներով հանդես գալ Երևանում, մանավանդ, որ Մոսկվայի պետական ակադեմիական սիմֆոնիկ նվագախմբը իր ստեղծման 6 տասնյակից ավել տարիների ընթացքում առաջին անգամ է ելույթ ունենալու Երևանում:
Ս. թ. նոյեմբերի 24-ին, “Ե. Չարենցի տուն-թանգարանի” աշխատակազմը նշեց թանգարանի հիմնադրման 45-ամյա հոբելյանը:
1935-37 թթ, Սունդուկյան փողոցի թիվ 6 շենքի 12 բնակարանում, /այժմ` Մաշտոցի թիվ 17/ որտեղ ապրել է բանաստեղծը` 1964 թվականին, Խորհրդային Հայաստանի նախարարների խորհրդի որոշմամբ հիմնադրվել է Ե. Չարենցի անունը կրող տուն-թանգարանը:
Ե. Չարենցի տուն-թանգարանը բանաստեղծի կյանքի, գրական-մշակութային, հանրային-քաղաքական գործունեության ուսումնասիրության գիտական կենտրոն է, ուր պահվում-պահպանվում և ցուցադրվում են բանաստեղծից մեզ հասած մասունքները` անձնական իրեր, ձեռագրեր, փաստաթղթեր, գրքեր, լուսանկարներ, Չարենց Մարդու, Քաղաքացու, մեծ բանաստեղծի, թարգմանչի, հրատարակչի մասին պատմող վկայագրեր:
ՀՀ մշակույթի նախարար Հ. Պողոսյանը ընդունեց Հայաստանի Հանրապետությունում Հնդկաստանի Արտակարգ և լիազոր դեսպան Աչալ Կումար Մալհութրային:
Տիկին նախարարը շնորհավորելով նորանշանակ դեսպանին վերջինիս կողմից Հայաստանում իրականացվելիք դիվանագիտական առաքելության առթիվ, գոհունակությամբ նշեց նախորդ տարիներին, մասնավորապես 2006-2009 թթ. մշակութային բազմաժանր և բազմաբովանդակ նախաձեռնությունների փոխադարձ առկայությունը երկու երկրներում և հույս հայտնեց, որ պարոն Աչալ Կումար Մալհութրայը իր գործուն ներդրումը կունենա հայ- հնդկական մշակութային կայուն համագործակցութան զարգացման գործում:
Ս.թ. նեյեմբերի 16-20-ը աշխատանքային այցով Հայաստան է ժամանել Ֆրանսիայի Վանդեյի դեպարտամենտի շրջանային խորհրդի պատվիրակությունը` ՀՀ մշակույթի նախարարության հետ քննարկելու ՀՀ և Ֆրանսիայի կառավարությունների կողմից համաֆինանսավորվող հայկական պատմական թեմաներով` Զվարթնոցի տաճարում համատեղ բացօթյա գիշերային ներկայացում բեմադրելու հարցը:
Նոյեմբերի 20-ին Երեխաների իրավունքների մասին կոնվենցիայի ընդունման 20-ամյակի օրը, Առնո Բաբաջանյան համերգասրահում, որը պետական հոգածությամբ այսուհետ ծառայելու է մանկապատանեկան ստեղծագործական խմբերին և կազմակերպություններին, ՀՀ մշակույթի նախարարությունը ներկայացնում է համակարգում մշակութային կրթություն և գեղագիտական ուսուցում իրականացնող կառույցների շնորհալի սաների նկարչական աշխատանքները, կատարողական արվեստը, ինչպես նաև ՀՀ մշակույթի նախարարության կողմից «ՀՀ Մարզերի զարգացման» և «Գրականության պետական պատվեր» ծրագրերի շրջանակներում հրատարակված 70 անուն հայ կոմպոզիտորների ստեղծագործությունների, ուսումնական և գիտաուսումնական երաժշտական գրականությունը:
Խանջոու քաղաքի երգի - պարի թատրոնի ելույթները Երևանում և ՀՀ մարզերում
նոյեմբերի 18-22-ը 2009թ.
“ՀՀ մշակույթի նախարարության և ՉԺՀ մշակույթի նախարարության միջև 2005-2010 թթ. մշակութային համագործակցության մասին” ծրագրի շրջանակներում ս. թ. նոյեմբերի 18-22-ը Հայաստանում անցկացվում են Չինաստանի մշակույթի օրեր` Երևանում, Արմավիրում / նոյեմբերի 20-ին, ժ. 17.00-ի / և Եղեգնաձորում /նոյեմբերի 22-ին ժ. 17.00-ին/: Չինաստանի մշակույթը այս անգամ հայ արվեստասեր հասարակայնությանն են ներկայացնում Ջեձյան նահանգի Խանջոու քաղաքի երգի-պարի թատրոնի արտիստները: Օրերի շրջանակներում Հայաստան է ժամանել նաև պաշտոնական պատվիրակությունը` ՉԺՀ մշակույթի նախարարության խորհրդական Ջեն Գոդինը, Խանջոու քաղաքի մշակութային հեռուստառադիո ընկերության արվեստի գծով խորհրդական Ջան Ձինփինը, Խանջոու քաղաքի երգի-պարի թատրոնի տնօրեն Դեն Ձինշանը: 
□Արամ Խաչատրյան□ համերգասրահում նոյեմբերի 18-ին երաժշտասեր հանրությունը հյուրընկալվել էր մեծարելու և շնորհավորելու ՀՀ ժողովրդական արտիստ Ռոբերտ Ամիրխանյանի ծննդյան 70-ամյա հոբելյանը, նաև վայելելու կոմպոզիտորի հեղինակային կատարումները: Կոմպոզիտորին շնորհավորելու էին եկել ՀՀ Նախգահ Սերժ Սարգսյանը` տիկնոջ հետ, ՀՀ ԱԺ նախագահ Հովիկ Աբրահամյանը, պաշտոնատար այլ անձինք: 
Հայաստանի և Սլովակիայի մշակույթի նախարարությունների համատեղ ջանքերով ս. թ. հոկտեմբերի 28-ից նոյեմբերի 15-ը “Հայաստանի մշակութային օրեր”-ի շրջանակում բացվեց “Սերգեյ Փարաջանովի աշխարհը` արվեստ առանց սահմանների” խորագրով ցուցահանդեսը:
Ցուցահանդեսի բացման արարողությունը տեղի է ունեցել հոկտեմբերի 28-ին Սլովակիայի մշակույթի նախարարության ցուցասրահում, որին ներկա էին Սլովակիայի մշակույթի նախարար Մ. Մադյարիչը, Ավստրիայում և Սլովակիայում ՀՀ դեսպան Ա. Հովհաննիսյանը, դեսպանատան աշխատակիցներ, լրագրողներ և արվեստասեր հասարակայնություն:
ՀՀ մշակույթի նախարար Հասմիկ Պողոսյանը ընդունեց Հայաստանի Հանրապետությունում Գերմանիայի Դաշնային Հանրապետության Արտակարգ և լիազոր դեսպան Հանս- Յոխեն Շմիդտին:
Նախարարը իր խոսքում բարձր գնահատելով հայ- գերմանական մշակութային համագործակցությունը շնորհավորեց նորանշանակ դեսպանին ՀՀ –ում իր դիվանագիտական առաքելության մեկնարկի առթիվ և հույս հայտնեց, որ արդեն իսկ ձևավորված ավանդույթները և ձեռքբերումները կունենան իրենց արժանի շարունակությունը:
Նախարարը մասնավորապես անդրադարձավ Հայաստանում 2010 թ. ԳԴՀ Հեսսենի երկրամասի հետ համատեղ “Սեվրուգյան արևելքի պատկերները լուսանկարում և գեղանկարում 1880-1980 թթ. ” խորագրով ցուցահանդեսի անցկացմանը և “Young Euro Classic” միջազգային փառատոնին Հայաստանի պետական երիտասարդական նվագախմբի համերգին: Նախարար Հասմիկ Պողոսյանը ընդհանուր գծերով տեղեկացրեց նաև 2012 թ. նշվելիք հայ գրատպության 500 ամյակին ընդառաջ Մայնցում 2010 թ. հայ հնատիպ գրքին նվիրված ցուցահանդեսի անցկացման մասին, որը առայժմ գտնվում է բանակցային փուլում:
ՀՀ մշակույթի նախարար Հասմիկ Պողոսյանը ընդունեց ՀՀ-ում ՉԺՀ արտակարգ և լիազոր դեսպան Խուն Ցզյուինին և նոյեմբերի 18-22-ը Երևանում և հանրապետության մարզերում անցկացվող Չինաստանի մշակույթի օրերի պաշտոնական պատվիրակությանը` ՉԺՀ մշակույթի նախարարության խորհրդական Ջեն Գոդինին, Խանջոու քաղաքի մշակութային հեռուստառադիո ընկերության արվեստի գծով խորհրդական Ջան Ձինփինին, Խանջոու քաղաքի երգի-պարի թատրոնի տնօրեն Դեն Ձինշանին: 
ՀՀ մշակույթի նախարարությունը և Հայաստնաի ազգային գրադարաը ՀԱԳ-ում ներկայացրեցին Հրաչյա Սարիբեկյանի հեղինակած “Հովհաննես Պետրոսյան” մատենագետի կյանքին ու գործունեությանը նվիրված գիրքը, որը հիրավի ուղեցույց և դասագիրք կարող է հանդիսանալ մատենագետների, մատենագիտության պատմաբանների, գրադարանագետների, գիտության տարբեր ոլորտների գիտաշխատողների ու ուսանողների համար:
Ավարտվեց ՀՀ մշակույթի նախարարության կողմից անցկացվող հայկական էլեկտրոնային տառարվեստի զարգացմանն ու հետագա միջազգային ճանաչմանը ուղղված “Գրանշան 2009” տառատեսակների միջազգային մրցույթը:
к стартовой
наверх