ՀՀ մշակույթի նախարարությունը, Երևանի քաղաքապետարանը և <<Սայաթ-Նովա>> մշակութային միությունը ս.թ. մայիսի 23-ին, ժամը 12:00-ին /Սայաթ-Նովայի հուշարձանի մոտ/ հրավիրում են մասնակցելու
Սայաթ-Նովային նվիրված ավանդական Վարդատոնին:
Համերգային ծրագիրը ներկայացնում է <<Սայաթ-Նովա>> աշուղական երգի վաստակավոր անսամբլը: Գեղ.ղեկավար` ՀՀ վաստակավոր արտիստ Թովմաս Պողոսյան:
<<Կախարդական բացահայտումներով լի տոնական իրադարձություն` գիշերային հմայք ստացած հյուրընկալ թանգարանների այցելության ընթացքում... Այս նախաձեռնությունը նպաստում է եվրոպական մայրցամաքի թանգարանների միջև նոր կապեր հյուսելուն, այն հրավիրում է ողջ հասարակությանը բացահայտելու ամենամոտ մշակութային միջնորդների` թանգարանների անսպառ հարստությունը... Ջերմորեն շնորհակալություն եմ հայտնում բոլոր նրանց, ովքեր հնարավոր են դարձնում այս բացառիկ իրադարձությունը և մասնակիցներից յուրաքանչյուրին մաղթում եմ հրաշալի թանգարանային գիշեր` լի արվեստի նկատմամբ սիրով>>: <<Թանգարանների գիշեր>>-2010-ի առթիվ ողջույնի այսպիսի ուղերձով է հանդես եկել Ֆրանսիայի մշակույթի նախարար Ֆրեդերիկ Միտտերրանը, դիմելով նախաձեռնության բոլոր մասնակից թանգարաններին:
Պատկերապատումի և պատկերի 2-րդ միջազգային փառատոնի շրջանակներում` մայիսի 13-ին Խնկո-Ապոր անվան մանկական ազգային գրադարանում տեղի ունեցավ Անգուլեմի Պատկերապատման Միջազգային Փառատոնի մշտական մասնակից, ֆրանսաբնակ Մեսրոպ Կուլունկյանի անձնական հավաքածուի` պատկերապատման ալբոմների, գրքերի /1000 կտոր/ նվիրատվությունը գրադարանին: Պարոն Կուլունկյանը ցանկացել է իր հավաքածուն նվիրել Հայաստանի մի գրադարանի, որը բաց է հասարակության տարբեր շերտերի ու նաև ֆրանսախոս ընթերցողների առջև: Միջոցառմանը ներկա էին APBDA –ի նախագահ պարոն Ժան Մարդիկյանը, միության անդամներ, մտավորականներ, ՀՀ-ում Ֆրանսիայի դեսպանության ներկայացուցիչներ:
Նվիրատվությունը իրականացվել է ՀՀ մշակույթի նախարարության և Ֆրանսիայում ՀՀ դեսպանության աջակցությամբ:
Ս. թ. մայիսի 11-ին Մարգարիտ Թումասյան-Ֆրանչեսկոնին կատարելով ամուսնու` անվանի նկարիչ Անսելմո Ֆրանչեսկոնիի փափագը` սեփականության իրավունքով իրեն պատկանող Հայոց եղեռնի թեմայով թվով քսան /□Դավադրույթուն□,□Արտաքսում□ շարք, □Բաժանում□ շարք, □Տղամարդկանց կոտորոծ□, □ Երեխաների կոտորած□, □Կանանց կոտորած□, □ Ի հիշատակ□, □Վերջնական լուծում□, □Դեր Զօր□, □Մի մոռացված ջարդ□, □Վարիացիա□ շարք□/ կտավները` ի դեմս ՀՀ մշակույթի նախարարության, նվիրեց Հայաստանի Հանրապետությանը:
ՀՀ մշակույթի նախարար Հասմիկ Պողոսյանը ընդունել է մշակութային ճանաչողական այցով Հայաստան ժամանած ավստրիական պատվիրակությանը, որի կազմում ընդգրկված էին ներկայացուցիչներ Ավստրիայի պառլամենտից, Վիենայի քաղաքապետարանից, նախարարություններից, <<Քադեյֆերդի>> հասարակայնության հետ կապերի ինստիտուտից /ինստիտուտը 18-րդ դարի Վիենայի քաղաքապետի անունով է կոչված և զբաղվում է տարբեր երկրների ու ժողովուրդների միջև կապեր հաստատելով, միջմշակութային համագործակցությամբ/:
ՀՀ մշակույթի նախարարության աջակցությամբ միջազգային մրցույթների դափնեկիր <<Սպեղանի>> երգչախումբը (գեղ. ղեկավար և խմբավար Ս. Ավթանդիլյան) ձայնագրել և CD տարբերակով թողարկել է Կոմիտասի Սուրբ Պատարագը և այսօր` Արամ Խաչատրյան տուն-թանգարանում տեղի ունեցավ ձայնասկավառակի շնորհանդեսը: Երգչախումբը կատարեց նաև կոմիտասյան պատարագը` այն նվիրելով արցախյան պատերազմի զոհերի հիշատակին:
Միջոցառմանը ներկա էրն ՀՀ մշակույթի նախարարի տեղակալ Արթուր Պողոսյանը, հոգևոր դասի ներկայացուցիչներ, մտավորականներ:
<<Սպեղանի>> երգչախումբը կոմիտասյան պատարագի կատարումներով (հատվածներ) հանդես է եկել նաև 2009 թ. մագդեբուրգյան փառատոնում (Գերմանիա)` ելույթները նվիրելով Կոմիտասի ծննդյան 140-ամյակին:
Խնկո Ապոր անվան ազգային մանկական գրադարանի և հրատարակիչների ազգային ասոցիացիայի համատեղ ջանքերով մայիսի 9-11-ը, ժանը` 10-17-ը Խնկո Ապոր անվան ազգային մանկական գրադարանում անցկացվում է ավանդական դարձած մանկապատանեկան գրքի 4-րդ ցուցահանդես-վաճառքը:
Ցուցահանդես-վաճառքի նպատակն է գիրք- ընթերցող կապի ամրապնդումը, ընթերցանության հանդեպ սեր և հետաքրքրություն արթնացնելը մանուկների և պատանիների շրջանում:
Ցուցահանդես-վաճառքի օրերին նախատեսվում են հետաքրքրական միջոցառումներ 3-18 տարեկան երեխաների ու պատանիների համար՝ հանդիպումներ մանկագիրների հետ, նոր գրքերի շնորհանդեսներ, քննարկումներ, կլոր սեղաններ, կինոդիտումներ, հեքիաթապատումներ, գրքերի նվիրատվություն: Տոնավաճառին մասնակցում են ավելի քան 15 հրատարակիչներ, իրենց վերջին տարիների արտադրանքով:
Ս. թ. մայիսի 7-ին, ժամը 15:00` Հովհ. Թումանյանի թանգարանում բացվեց □Վիգեն Թումանյան` Թումանյանական տոհմի բեկված շառավիղը□ խորագրով ցուցահանդեսը, որը նվիրված էր Հայրենական մեծ պատերազմի հաղթանակի 65-րդ տարեդարձին:
Ցուցահանդեսին ներկայացված էին Հովհաննես Թումանյանի ավագ որդու` Մուշեղի որդի Վիգենի նամակները և լուսանկարները: Ռազմաճակատից ուղարկած եռանկյունիներն իր և հարազատների` մոր, տատի, հորաքրոջ միջև հոգևոր կապի լուռ վկաներն են, կապ որը տևել է մինչև 1941 թվականի հոկտեմբերի 2-ը:
Բանաստեղծի չորս որդիների ողբերգական վախճանից հետո նա պետք է լիներ իր մեծ պապի տոհմի միակ շարունակողը, բայց 1942թ. նախաշեմին Վիգենի հարազատները ծանուցագիր ստացան այն մասին, որ նա անհետ կորել է Մոսկվայի մատույցներում` գերմանաֆաշիստական զավթիչների դեմ մղվող մարտերում:
Ս. թ. մայիսի 6-ին, Հայաստանի ազգային պատկերասրահում բացվեց հոբելյանական ցուցահանդես` նվիրված Հայրենական Մեծ պատերազմում տարած Հաղթանակի 65- ամյակին: Ցուցահանդեսում ընդգրկված էին պատերազմի թեմաներով շուրջ 53 ստեղծագործություն՝ գեղանկար, գծանկար, փորագրություն և քանդակ:
Ժողովրդի անօրինակ հերոսությունը մշտապես ներշնչանքի աղբյուր է եղել կերպարվեստի գործիչների համար, որոնց ստեղծագործություններում արտացոլվել են այնպիսի վեհ գաղափարներ և զուտ մարդկային զգայավիճակներ, ինչպիսիք հայրենասիրությունն ու նվիրվածությունն են, արիությունն ու կամքը, հավատը և վճռականությունը:
ՀՀ մշակույթի նախարար Հ. Պողոսյանը նախարարությունում հյուրընկալել է ՀՀ –ում Իտալիայի արտակարգ և լիազոր դեսպան Բրունո Սկապինիին, Հայաստանում Եվրոպայի հանձնաժողովի պատվիրակության ղեկավար, դեսպան պրն. Ռաուլ դե Լյուցենբերգերին, Նեապոլի <<Կապոդիմենտե>> թանգարանի <<Բարեկամների>> միության նախագահ պրն. Լյուցենբերգերին:
Հանդիպման ընթացքում կողմերը քննարկել են Նեապոլ քաղաքի հետ հնարավոր մշակութային համագործակցության շրջանակները:
<<Կապոդիմենտե>> թանգարանի տնօրենը նախարար Հասմիկ Պողոսյանին է հանձնել << Թանգարանի բարեկամների>> /200 անդամ/ ասոցիացիայի նամակ-հավաստագրերը` մշակութային /մասնավորապես կերպարվեստի ոլորտում/ սերտ համագործակցության ակնկալիքով, նաև պատկան մարմինների և ինստիտուցիոնալ կառույցների հետ հարաբերություններ ձևավորելու հեռանկարով:
ՀՀ մշակույթի նախարար Հասմիկ Պողոսյանն ընդունել է ՀՀ-ում Լեհաստանի արտակարգ և լիազոր դեսպան Զդիսլավ Ռաչիդսկուն:
Հանդիպման ընթացքում կողմերը անդրադարձել են երկկողմ հետաքրքրություն ներկայացնող` □Հայաստանի Հանրապետության մշակույթի նախարարության և Լեհաստանի Հանրապետության մշակույթի և ազգային ժառանգության նախարարության միջև 2010-2012 թթ. մշակույթի բնագավառում համագործակցության մասին□ գործնական ծրագրի ստորագրմանը, ինչպես նաև նախարարության 2010 թ. ծրագրով ՀՀ-ում Լեհաստանի Հանրապետության դեսպանության հետ համատեղ Հայաստանում անցկացվելիք Շոպենի 200-ամյակին նվիրված միջոցառումների ծրագրին:
2010 թ. ապրիլի 7-11-ը Երևանի պետական կամերային երգչախումբը մասնակցել է Իտալիայի Լորետո քաղաքում անցկացվող <<Կույս Լաուրենտինա>>` հոգևոր երաժշտության միջազգային 50-րդ հոբելյանական փառատոնին, որին մասնակցության հրավեր են ստացել նախընտրական փուլում լավագույնը ճանաչված 12 երկրների երգչախմբեր` Սլովենիայից, Բուլղարիայից, Լեհաստանից, Ուկրաինայից, Իտալիայից, Ֆրանսիայից, Հունգարիայից, Լիբանանից ....: 
к стартовой
наверх