17 Июля 2010
<<Էրեբունի>> պատմահնագիտական արգելոց-թանգարանում
ՀՀ Մշակույթի նախարար տիկին Հասմիկ Պողոսյանն այցելել է <<Էրեբունի>> պատմահնագիտական արգելոց-թանգարան: ՊՀԱԹ-ի տնօրեն Գագիկ Գյուրջյանը նախարարին ներկայացրել է Էրեբունի հնավայրի և <<Էրեբունի>> արգելոց-թանգարանի պահպանության և օգտագործման, հնավայրի և միջնաբերդի` մասնավորապես <<Խալդի>> տաճարի, պալատական կառույցների և տնտեսական մասի վերականգնման /ռեստավրացիայի/ խնդիրները:
Տնօրենը ներկայացրել է նաև 2010 թ. հունիսին Էրեբունիի միջնաբերդում հայ-ֆրանսիական արշավախմբի կողմից իրականացված պեղումների արդյունքները, այդ թվում <<Խալդի>> տաճարի հարավային պատի որմնանկարի ամրակայման, տեղափոխման և վերականգնման աշխատանքները: Ի դեպ, առաջին անգամ հնագիտական պեղումներ անցկացնող արշավախումբը պեղումներին զուգահեռ իրականացրել է նաև ամրակայման աշխատանքներ, ինչը կարելի է կիրառել հանրապետության այլ հնավայրերում ևս:
ՊՀԱԹ-ի տնօրենը հնավայրից զատ ներկայացրել է նաև թանգարանը, բուն թանգարանի առկա խնդիրները: Քննարկվել են միջնաբերդի դիմացի բլուրի վրա ժամանակավոր ամֆիթատրոնի տեղադրման, հնավայրի տարածքում լուսա-ձայնային ներկայացման հնարավորության, թանգարանից մինչև միջնաբերդ ավտոշարքի ձեռքբերման և մի շարք այլ հարցեր:
ajajaajajajajs jdadasda
к стартовой
наверх