15 July 2010
Ստեղծագործող երեխաները "Արտուտիկ" մանկապատանեկան ամառային ճամբարում
ՀՀ Կառավարության 2007 թ. ապրիլի 5-ի □ՀՀ մարզերում մշակույթի զարգացման ծրագիրը հաստատելու մասին□ N589-Ն որոշմանը համահունչ, մշակույթի նախարարությունն արդեն չորրորդ տարին է ինչ կազմակերպում է շնորհալի երեխաների հանգիստը Դիլիջանի կոմպոզիտորների և երաժշտագետների միության ստեղծագործական տանը` □Արտուտիկ□ մանկապատանեկան ամառային ճամբարում:
Հուլիսի 9-15-ը □Արտուտիկ- 2010□ մանկապատանեկան ամառային ստեղծագործական ճամբարում հանգստանալու և ստեղծագործելու հնարավորություն ստացան 12-15 տարեկան ավելի քան 70 շնորհալի երեխաներ ՀՀ մարզերից, Երևանից, Արցախից և Ջավախքից: Պատանի ճամբարականները 2009 թվականի հանրապետական և միջազգային մրցույթների 1-ին, 2-րդ, 3-րդ կարգի դիպլոմակիր և մրցանակակիր երեխաներ են:
Երեխաները ճամբարում գտնվելու օրերին վարպետության դասեր են ստացել հանրապետության ճանաչված արվեստագետներից, հանդիպումներ են ունեցել կոմպոզիտոր Արամ Սաթյանի, նկարիչ Նիկոլ Աղաբաբյանի, հնագետ Աշոտ Փիլիպոսյանի, կինոգետ Անահիտ Թադևոսյանի հետ: Պատմամշակութային արժեքներին ծանոթանալու նպատակով ճամբարականների համար կազմակերպվել են նաև ճանաչողական Էքսկուրսիաներ:
□Արտուտիկ□ ստեղծագործական ճամբարը հնարավորություն ընձեռեց շնորհալի երեխաներին կատարելագործելու իրենց մասնագիտական կարողությունները, շփվելու ստեղծագործող հասակակիցների հետ:
Ճամբարի փակումը տեղի ունեցավ հուլիսի 14-ին, համերգային և ցուցահանդեսային ծրագրով, որին երեխաները մեծ պատասխանատվությամբ էին նախապատրաստվել:
Արտուտիկցիների ստեղծագործական յուրօրինակ այս ստուգատեսին ներկա էին ՀՀ մշակույթի փոխնախարար Ա. Պողոսյանը, արվեստագետներ, պատվավոր հյուրեր, ծնողներ:
ajajaajajajajs jdadasda
to start
to top