ՀՀ մշակույթի նախարարությունը, Երևանի քաղաքապետարանը և <<Սայաթ-Նովա>> մշակութային միությունը ս.թ. մայիսի 23-ին, ժամը 12:00-ին /Սայաթ-Նովայի հուշարձանի մոտ/ հրավիրում են մասնակցելու
Սայաթ-Նովային նվիրված ավանդական Վարդատոնին:
Համերգային ծրագիրը ներկայացնում է <<Սայաթ-Նովա>> աշուղական երգի վաստակավոր անսամբլը: Գեղ.ղեկավար` ՀՀ վաստակավոր արտիստ Թովմաս Պողոսյան:
Լեհաստանի Գդանսկ քաղաքում անցկացվող Շեքսպիրյան 14-րդ միջազգային փառատոնին /ս.թ. հուլիսի 30-ից օգոստոսի 8-ը/ ավելի քան 10 երկրների շարքում Հայաստանը ներկայացրել է Հ. Պարոնյանի անվան երաժշտական կոմեդիայի պետական թատրոնը` հանդես գալով <<12-րդ գիշեր>> բեմադրությամբ, որն իրականացրել է ՀՀ ժողովրդական արտիստ Երվանդ Ղազանչյանը: 
Ս. թ. օգոստոսի 5-12-ը հնագետներից ու ճարտարապետներից բաղկացած մասնագիտական պատվիրակությունը /ՀՀ մշակույթի նախարարության աշխատակազմի պատմության և մշակույթի հուշարձանների պահպանության գործակալության պետի ժամանակավոր պաշտոնակատար, պատմաբան Սերժիկ Առաքելյան, Պատմամշակութային ժառանգության գիտահետազոտական կենտրոնի տնօրեն, հնագետ Հակոբ Սիմոնյան, նույն կազմակերպության տնօրենի տեղակալ, ճարտարապետ վերականգնող Հովհաննես Սանամյան/ ՀՀ մշակույթի նախարարի տեղակալ Արև Սամուելյանի գլխավորությամբ աշխատանքային այցով մեկնել էր Թբիլիսի` տեղում ծանոթանալու և ոլորտի պատասխանատու մասնագետների հետ քննարկելու Մուղնու Սբ. Գևորգ եկեղեցու վերականգնմանն ուղղված նախապատրաստական աշխատանքների արդյունքները, հետագա անելիքներն ու նաև պատմամշակութային ժառանգության պահպանության ոլորտում համագործակցության հեռանկարները: 
Հայ-ռուսական մշակութային համագործակցության շրջանակներում 2010 թ. օգոստոսի 12-15-ը Հայաստանում` Երևանում և Գյումրիում կկայանա <<Հանդիպում Հայաստանի հետ>> խորագրով հայ-ռուսական ստեղծագործական մտավորականության համատեղ ակցիան, որի շրջանակներում կցուցադրվեն հետխորհրդային շրջանի ռուսական մի շարք ֆիլմեր, կանցկացվեն համատեղ համերգներ Երևանում և Գյումրիում, տեղի կունենա Ռուսաստանի վաստակավոր արտիստ Նատալյա Վառլեի ստեղծագործական երեկոն, կանցկացվի <<Համատեղ պատմությունն ու վաղվա օրը>> խորագրով կլոր-սեղան: 
ՀՀ մշակույթի նախարարությունը, Երևանի մնջախաղի պետական թատրոնը, Ազգային թատերական ստեղծագործական միավորումը, Հայաստանի թատերական գործիչների միությունը և Ծաղկաձորի քաղաքապետարանը համատեղ ներկայացնում են Մնջախաղի թատրոնների միջազգային փառատոնը (“INTERNATIONAL MIME FESTIVAL Dedicated to Leonid Yengibaryan’s 75th Anniversary”), որը կանցկացվի 2010 թ. օգոստոսի 10-15-ը` Ծաղկաձորում:
Փառատոնի նպատակն է միջազգային թատերական և մշակութային կազմակերպությունների հետ համագործակցությունը, անդամակցությունը համաշխարհային թատերական գործընթացներին, ինչպես նաև միջազգային ասպարեզում մնջախաղի լավագույն փորձը հայ և արտերկրի հանդիսատեսին հասանելի դարձնելը: Փառատոնը միտված է նաև խթանելու զբոսաշրջությունը Հայաստանի Հանրապետությունում, ստեղծելու մշակութային տոնական ավանդույթներ:
Հարություն Կալենցի 100-ամյակի
շրջանակներում ՀՀ Մշակույթի նախարարությունը,
Հայաստանի Ազգային Պատկերասրահը, Կալենց
թանգարանը ՀԱՊ-ում օգոստոսի 6-ից սեպտեմբերի 6-ը անցկացնում են Հարություն Կալենցի
ստեղծագործությունների ցուցահանդես, ուր
ներկայացվում են աշխատանքներ շուրջ 15 մասնավոր հավաքածունեից, ինչպես նաև Ազգային պատկերասրահի, Ժամանակակից արվեստի և Կալենց թանգարանների պահոցներից: Ցուցադրությունում ընդգրկվել են Հարություն Կալենցի ավելի քան 50 գեղանկար և գրաֆիկական գործեր` այդ թվում նաև այն ստեղծագործություններից, որոնք երբևէ չեն ցուցադրվել և հայտնի չեն Կալենցի արվեստի գիտակներին ու երկրպագուներին:
Հարություն Կալենցի 100-ամյակի շրջանակներում ՀՀ Մշակույթի նախարարությունը, Հայաստանի ազգային պատկերասրահը, Կալենց
թանգարանը ՀԱՊ-ում օգոստոսի 6-ից սեպտեմբերի 6-ը անցկացնում են <<Կալենցը` հավաքծուներից>> խորագրով ցուցահանդեսը:
Բացումը` 15:00
Համաշխարհային Ժառանգության կամավորական ծրագրի շրջանակներում ՀՀ մշակույթի նախարարության ու Հայաստանի ուսանողական ջոկատների հանրապետական շտաբի ջանքերով ս.թ. հունիսից Հայաստանում մեկնարկել է <<Պատրիմոնիտո կամավորական գործողություն-2010>> ծրագիրը:
Կամավորական աշխատանքների համար այս տարի ընտրվել են Գեղարդի վանքի և Զվարթնոց տաճարի տարածքները, որոնք գրանցված են ՅՈՒՆԵՍԿՕ- ի համաշխարհային մշակութային ժառանգության ցանկում, իսկ ծրագրով նախատեսվող գործողությունները ուղղվել են այս պատմամշակութային տարածքների պահպանությանը:
2007թ. արձագանքելով երիտասարնդերի մեծ հետաքրքրությանը՝ կոնկրետ քայլեր ձեռնարկելու և համաշխարհային ժառանգության պահպանման գործում ակտիվ մասնակցություն ցուցաբերելու համար, ՅՈՒՆԵՍԿՕ-ի Համաշխարհային Ժառանգության Կենտրոնը և ՅՈՒՆԵՍԿՕ-ի միջազգային կամավորական ծառայությունների համակարգող հանձնաժողովը նախաձեռնեցին «Համաշխարհային ժառանգության կամավորներ – պատրիմոնիտո կամավորական շարժում» ծրագիրը:
ՅՈՒՆԵՍԿՕ-ի համաշխարհային ժառանգության կրթության ծրագրի շրջանակներում, հաշվի առնելով 2008, 2009 թթ. Համաշխարհային ժառանգության կամավորներ նախագծից ստացված դրական արդյունքները՝ ՅՈՒՆԵՍԿՕ-ի Համաշխարհային ժառանգության կենտրոնը և միջազգային կամավորական ծառայությունների համակարգող հանձնաժողովը նախաձեռնեցին «Համաշխարհային ժառանգության կամավորներ – պատրիմոնիտո կամավորական շարժում -2010» ծրագիրը։
Հայաստանի նկարիչների միության անդամ Վահրամ Հարությունյանը 2010 թ. սեպտեմբերի 20-ից հոկտեմբերի 10-ը կմասնակցի Պեկինում կայանալիք կերպարվեստի 4-րդ միջազգային բիենալեին, որտեղ կներկայացնի <<Թագուհին>> կտավը:
2010թ. հունիսի 27 – հուլիսի 17-ը Ֆրանսիայի Հանրապետության
Վանդեի դեպարտամենտի գլխավոր խորհրդի նախաձեռնությամբ միջազգային համագործակցության շրջանակում ու <
Հայ երաժշտարվեստը ծանր կորուստ կրեց: Հուլիսի 28-ին Մոսկվայում վախճանվեց անվանի երգչուհի, ՀՀ ժողովրդական արտիստ Արաքս Դավթյանը:
Ա. Դավթյանը ծնվել է 1949 թվականի ապրիլի 22-ին զինվորական օդաչուի ընտանիքում:
1975թ. ավարտել է Երևանի պետական կոնսերվատորիան: Որպես մեներգչուհի 1975-86 թթ. աշխատել է կոնսերվատորիայի օպերային ստուդիայում, 1986-92-ին` ՀՀ հեռուստառադիոպետկոմի սիմֆոնիկ նվագախմբում:
սկիզբ
վերև