ՀՀ մշակույթի նախարարությունը, Երևանի քաղաքապետարանը և <<Սայաթ-Նովա>> մշակութային միությունը ս.թ. մայիսի 23-ին, ժամը 12:00-ին /Սայաթ-Նովայի հուշարձանի մոտ/ հրավիրում են մասնակցելու
Սայաթ-Նովային նվիրված ավանդական Վարդատոնին:
Համերգային ծրագիրը ներկայացնում է <<Սայաթ-Նովա>> աշուղական երգի վաստակավոր անսամբլը: Գեղ.ղեկավար` ՀՀ վաստակավոր արտիստ Թովմաս Պողոսյան:
Հիմք ընդունելով “Հայաստանի Հանրապետության մշակույթի նախարարության և Սիրիայի Արաբական Հանրապետության մշակույթի նախարարության միջև 2008-2010 թթ. համագործակցության մասին” գործնական արձանագրությունը` Հայաստանում ս. թ. հունիսի 29-ից հուլիսի 4-ը անցկացված Սիրիայի մշակույթի օրերը պսակվեցին հաջողությամբ:
Մշակույթի օրերին մասնակցելու նպատակով Հայաստան ժամանած ՍԱՀ մշակույթի նախարարի` դոկտոր Ռիադ Նա՝ասան Աղայի գլխավորած պաշտոնական պատվիրակությունը հանդիպումներ ունեցավ ՀՀ վարչապետի, ԱԺ նախագահի, Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի, ՀՀ մշակույթի նախարարի, արտաքին գործերի նախարարի հետ, այցելեց Մատենադարան, Երևանի տարբեր թանգարաններ, պատմական վայրեր:
Ս. թ. հունիսի 28-ից հուլիսի 5-ը Երևանում և ՀՀ մարզերում անցկացվում են Սիրիայի Արաբական Հանրապետության մշակույթի օրեր: Սիրիայից ժամանած պաշտոնական պատվիրակությունը գլխավորում է ՍԱՀ մշակույթի նախարար Ռիադ Նա՝ասան Աղան, պատվիրակության կազմում են ՍԱՀ մշակույթի նախարարի տեղակալ Մուհամադ Թուրքի ալ-Սայեդը, Սիրիայի հնագիտությունների և թանգարանների տնօրեն Բասսամ Ջամուսը, ՍԱՀ մշակութային կապերի տնօրեն, մշակույթի օրերի համակարգող Նազիհ Հուրին, Սիրիական պետական սիմֆոնիկ նվագախմբի ղեկավար Միսաք Պաղպուտարյանը: 
ՀՀ մշակույթի նախարարության “Մշակութային կրթության աջակցության” հիմնադրամը, որը 2008թ. -ից մարզային երաժշտական, գեղարվեստի ու պարարվեստի դպրոցների թե ուսուցիչներին, և թե սովորող աշակերտներին մասնագիտական գործուն աջակցություն է ցուցաբերում /պարբերաբար մարզեր են գործուղվում երաժշտական բարձր որակավորում ունեցող մանկավարժ-մեթոդիստներ, անց են կացվում վարպետության և վերապատրաստման դասընթացներ Երևանի Կոմիտասի անվան կոնսերվատորիայի պրոֆեսորա-դասախոսական կազմի կողմից/, հանդես է եկել նոր նախաձեռնությամբ:
Մեծանուն արվեստաբան Ֆրանչեսկո Գալլոն հանդիպել է նախարար Հ. Պողոսյանին, ում հրավերով ժամանել է Հայաստան` տեղում ծանոթանալու Մինաս Ավետիսյանի` ՀԱՊ-ի, Ժամանակակից արվեստի, Ջաջուռի թանգարաններում և մասնավոր հավաքածուներում հանգրվանած ժառանգությանը, կազմելու հավաքածու, որը 2010 թ. կցուցադրվի Իտալիայում` Հռոմ, ֆլորենցիա, Նեապոլ քաղաքներում: Նրա հաստատակամ համոզմամբ եթե ազգը չի կարողանում ներկայացնել իր ներկան, ապա անցյալը դառնում է անուժ:
Զրույցի ընթացքում նաև անկեղծորեն խոստովանում է . □Մանուկ հասակից հաճախել եմ մեր քաղաքի Ս.բ. Գրիգոր Լուսավորիչ եկեղեցի և շատ եմ մտածել ձեր ժողովրդի մասին: Եվ գուցե պատահականություն, ավելի ճիշտ անհրաժեշտություն էր իմ Հայաստան գալը:
Խնկո—Ապոր անվան ազգային մանկական գրադարանում տեղի է ունեցել հայկական գրատպության 500—ամյակի միջոցառումները համակարգող պետական հանձնաժողովի երկրորդ նիստը, որը վարել է հանձնաժողովի նախագահ, ՀՀ նախագահ Սերժ Սարգսյանը։
Երկրի ղեկավարն իր բացման խոսքում, մասնավորապես, ասել է. «Հայկական գրատպության հիմնադրման 500—ամյակի միջոցառումները նախապատրաստող պետական հանձնաժողովի երկրորդ նիստը Խնկո–Ապոր անվան մանկական գրադարանում անցկացնելը, բնականաբար, պատահականություն չէ։ Սրանով մենք ցանկացել ենք շեշտել երկու հանգամանք
Ս. թ. հունիսի 21-ին ժ. 12:00-ից Երևանի տարբեր հատվածներում տեղի ունեցան □Երաժշտության տոնին□ նվիրված բազմաժանր երաժշտության համերգներ. դասական, երգչախմբային, ջազային, ռոք, էլեկտրոնային:
Այս շարքում որպես հիմնական միջոցառում Երևանի Կոմիտասի անվան պետական կոնսերվատորիայի պուրակում` Կոմիտասի արձանի մոտ նախարարության նախաձեռնությամբ, ինչպես նաև Ֆրանսիայի դեսպանության հետ համագործակցությամբ /Կոմիտասի կենսագրությունը սերտ առնչակցություններ ունի Ֆրանսիայի հետ/ տեղի ունեցավ □Հարգանքի տուրք Կոմիտասին□ խորագիրը կրող համերգը` նվիրված Կոմիտասի 140-ամյակին:
ՅՈՒՆԵՍԿՕ-ի կողմից 2009 թ. հռչակվել է աստղագիտության տարի:
Այդ շրջանակներում ս. թ. հունիսի 19-ին ՀՀ մշակույթի նախարարության նախաձեռնությամբ Բյուրականի աստղադիտարանում անցկացվեց “Ես և տիեզերքը” խորագրով մանկապատանեկան նկարչական հանրապետական մրցույթ-ցուցահանդեսը:
Այդ նախաձեռնությանը մասնակցեցին հանրապետության 9 մարզերի, ԼՂՀ և Բերձորի գեղարվեստի 40 դպրոցների 250 երեխաների ավելի քան 300 աշխատանքներ:
2009 թ. հունիսի 21-ին ՀՀ-ում Ֆրանսիայի դեսպանությունը և ՀՀ մշակույթի նախարարությունը Երևանում և հանրապետության մարզերում անց են կացնում “Երաժշտության տոն” միջոցառումը` բացօթյա, կենդանի հնչողությամբ և բազմաժանր կատարումներով, որտեղ իր ուրույն շեշտադրումը կունենա մեծանուն կոմպոզիտոր, երգահան Կոմիտասի 140-ամյակին նվիրված համերգաշարը:
“Երաժշտության տոն” միջոցառումը, որը իր շուրջն է համախմբում երաժշտարվեստի պրոֆեսիոնալ և ոչ պրոֆեսիոնալ կատարողներին ու երաժշտասեր հասարակությանը, մեկնարկել է 1982 թ. հունիսի 21-ին` Ֆրանսիայի մշակույթի նախարարության նախաձեռնությամբ:
ՀՀ մշակույթի նախարար Հասմիկ Պողոսյանը ընդունեց ՄԱԿ-ի մանկական հիմնադրամի ՅՈՒՆԻՍԵՖ-ի հայաստանյան ներկայացուցիչ Լեյլի Մոշիրիիշ Ջիլանիին: Նախարարը կարևորեց և ողջունեց ՀՀ –ում UNICEF-ի ծավալած գործունեությունը կրթության, առողջապահության, երեխաների իրավունքների պաշտպանության ոլորտներում և պատրաստակամություն հայտնեց համագործակցել ՄԱԿ-ի մանկական հիմնադրամի հետ մշակույթի ոլորտում: Նախարար Հ. Պողոսյանը ՅՈՒՆԻՍԵՖ-ի հայաստանյան ներկայացուցիչ Լեյլի Մոշիրիիշ Ջիլանիին ներկայացրեց գերատեսչության կողմից իրականացված և ՀԿ-ների ներգրավմամբ, նրանց աջակցելով իրագործած մի շարք մանկական ծրագրեր, որոնք վկայում են պետության մշտական հոգածությունն ու ուշադրությունը մանուկների և պատանիների տարբեր հիմնախնդիրներին, նրանց գեղագիտական, հոգևոր աշխարհի ձևավորման ներդաշնակությանը: 
սկիզբ
վերև