ՀՀ մշակույթի նախարարությունը, Երևանի քաղաքապետարանը և <<Սայաթ-Նովա>> մշակութային միությունը ս.թ. մայիսի 23-ին, ժամը 12:00-ին /Սայաթ-Նովայի հուշարձանի մոտ/ հրավիրում են մասնակցելու
Սայաթ-Նովային նվիրված ավանդական Վարդատոնին:
Համերգային ծրագիրը ներկայացնում է <<Սայաթ-Նովա>> աշուղական երգի վաստակավոր անսամբլը: Գեղ.ղեկավար` ՀՀ վաստակավոր արտիստ Թովմաս Պողոսյան:
Մրցութային 17 և փառատոնային 2 անվանակարգերում անցկացված մրցումների արդյունքում` ըստ երկրների մրցանակները բաշխվել են հետևյալ կերպ.
ՀԱՊ-ում բացվեց 20-րդ դարի հայ արվեստագետների համաստեղության լավագույն ներկայացուցիչներից մեկի` Հովսեփ Կարալյանի աշխատանքների ցուցահանդեսը: Նկարիչն աշխատել է կերպարվեստի բոլոր բնագավառներում ու տեսակներում` գեղանկարչություն, քանդակագործություն, մոնումենտալ նկարչություն: Ծանրակշիռ դեր է ունեցել նաև հայ գրքարվեստի, կիրառական, ունիկալ և տպագրական գրաֆիկայի զարգացման գործում, ստեղծել է հրաշալի պլակատներ, ձևավորել թատերական ներկայացումներ: 
<<Ես դիտում եմ ամեն ազգ, որպես մի հրաշք ծառ: Նրա արմատները սնվում են հարազատ հողից, իսկ ճյուղերի ծաղիկներն ու բերքը պատկանում են համայն աշխարհին: Այսպիսին էլ արվեստն է, այն ինչ խորապես ազգային է` ստանում է համամարդկային նշանակություն>>:
Մարտիրոս Սարյան
Կենաց Ծառի խորհրդանիշը հանդիսանում է նկարչի ստեղծագործական հիմնական թեմաներից մեկը և կարմիր թելի պես անցնում է նրա ողջ ստեղծագործություններով, բացահայտելով նաև սարյանական արվեստի ֆենոմենը:
ՅՈՒՆԵՍԿՕ-ի հաղորդագրություն` 2010-73
Երևանը /Հայասան/ հռչակվել է 2012 թվականի Գրքի համաշխարհային մայրաքաղաք: Այսպիսի որոշում է կայացվել աշխարհում գրքի միջազգային երեք հիմնական մասնագիտական ասոցիացիաների ու ՅՈՒՆԵՍԿՕ-ի նախընտրական հանձնախմբի կողմից հուլիսի 2-ին` ՅՈՒՆԵՍԿՕ-ի կենտրոնակայանում անցկացված նիստի ժամանակ:
Այսպիսով, Երևանը դարձել է Գրքի համաշխարհային մայրաքաղաք հռչակված 12-րդ քաղաքը: Նախորդ տարիներին այդ տիտղոսին են արժանացել Մադրիդը /2001/, Ալեքսանդրիան /2002/, Նյու Դելին /2003/, Անդվերպենը /2004/, Մոնրեալը /2005/, Թուրինը /2006/, Բոգոտան /2007/, Ամստերդամը /2008/, Բեյրութը /2009/, Լյուբլյանան /2010/ և Բուենոս Այրեսը /2011/:
Հուլիսի 4-ը Հայաստանի Ազգային գրադարանի օրն է: Տոնի առթիվ գրադարանում անցկացվեցին մի շարք միջոցառումներ:
Բացման խոսքում գրադարանի տնօրեն Դավիթ Սարգսյանը շնորհավորեց բոլորին, գրադարանային գործին մատուցած ծառայությունների համար պատվոգրեր հանձնեց մի շարք աշխատակիցների: Ազգային գրադարանի վաստակաշատ մի շարք աշխատակիցներ էլ տոնի առթիվ հյուրընկալվեցին Մշակույթի նախարարությունում, արժանանալով պատվոգրերի: Գրադարանավարներին Ազգային գրադարանի օրվա կապակցությամբ շնորհավորեցին նաև Հայկական բարեգործական ընդհանուր միության հայաստանյան գրասենյակի ղեկավար Աշոտ Ղազարյանը, Հայաստանի մշակույթի աշխատողների արհմիության նախագահ Ժաննա Թորոսյանը:
Թատրոնի և կինոյի մեծանուն վարպետ Մհեր Մկրտչյանի ծննդյան օրը` հուլիսի 4-ին, դերասանի 80-ամյակի կապակցությամբ պետական հոբելյանական հանձնաժողովը` գլխավորությամբ վարչապետ Տիգրան Սարգսյանի, ՀՀ մշակույթի նախարար Հասմիկ Պողոսյանը, թատերական գործիչները, մտավորականներն ու պարզապես Մհեր Մկրտչյանի արվեստի երկրպագուները այցելեցին Կոմիտասի անվան այգու պանթեոն հարգանքի տուրք մատուցելու մեծատաղանդ դերասանին, ծաղիկներ դնելու նրա շիրմին: 
ՀՀ մշակույթի նախարարությունը և ՀՀ-ում ՉԺՀ դեսպանությունը ս. թ. հուլիսի 2-17-ը Հայաստանի ազգային պատկերասրահում անցկացնում են <<Չինաստան. հյուսիսային լայնության 30°>> խորագրով լուսանկարչական ցուցահանդեսը:
30° հյուսիսային լայնությունը ձգվում է Հիմալայներով, ընդգրկում 7` Սիչուան, Հուբեյ, Հունան, Ցզյանսի, Անհոյ, Ցզյանսու, Ցզյանսու, Չժեցզյան նահանգներն ու Չունցին և Շանհայ քաղաքները:
Զուգահեռականի երկարությունը 5.000 կմ. է, այն սկիզբ է առնում Յանցզիի ակունքներից և հատելով արևելաչինական ծովը` հասնում Խաղաղ օվկիանոս:
ԱՊՀ մասնակից պետությունների 6-րդ երիտասարդական բաց <<Դելփյան խաղերի>> շրջանակներում հունիսի 30-ին տեղի ունեցավ խաղերի կանոնակարգով նախատեսված` <<Հասարակության արժեհամակարգի դերը պատմական բեկումնային իրավիճակներում>> /նվիրված Հայրնական մեծ պատերազմում հաղթանակի 65-ամյակին/ և <<Արվեստի և մշակույթի միջոցով հասարակական հնչեղության արժեքների հանրայնացման փորձը>> /նվիրված ՄԱԿ-ի գլխավոր վեհաժողովի կողմից 2010 թ. մշակույթների մերձեցման միջազգային տարվա հռչակմանը/ խորագրերով միջազգային գիտա-գործնական կոնֆերանսը:
ՀՀ մշակույթի նախարար Հասմիկ Պողոսյանը ընդունել է ս. թ. 26- 29-ը ճանաչողական այցով Հայաստան ժամանած Ժնևի ամենամյա միջազգային գրքի փառատոնի կազմակերպչական տնօրեն Պիեռ Մարսել Ֆավրին և Շվեյցարիայում ճանաչված հրատարակիչներից մեկին`Պիեռ Լամունիերին:
ՀՀ մշակութի նախարար Հասմիկ Պողոսյանն ընդունելով Դելփյան միջազգային կոմիտեի տնօրեն Վլադիմիր Պոնյավինի գլխավորած պատվիրակությունը, ողջունել է հյուրերին, շնորհակալություն հայտնել Հայաստանում անցկացվող ԱՊՀ երկրների 6-րդ բաց երիտասարդական <<Դելփյան խաղերին>> մասնակցելու համար և հավելել, որ դելփյան շարժումը միավորում է ոչ միայն ներկան, այև բոլորիս ապագան: 
to start
to top