ՀՀ մշակույթի նախարարությունը, Երևանի քաղաքապետարանը և <<Սայաթ-Նովա>> մշակութային միությունը ս.թ. մայիսի 23-ին, ժամը 12:00-ին /Սայաթ-Նովայի հուշարձանի մոտ/ հրավիրում են մասնակցելու
Սայաթ-Նովային նվիրված ավանդական Վարդատոնին:
Համերգային ծրագիրը ներկայացնում է <<Սայաթ-Նովա>> աշուղական երգի վաստակավոր անսամբլը: Գեղ.ղեկավար` ՀՀ վաստակավոր արտիստ Թովմաս Պողոսյան:
Ծաղկաձոր, Օրբելու փողոց, տուն 12: Այսօր, այս հասցեում հիմնանոր ոգումից հետո, նոր, մշտական ցուցադրությամբ իր դռները բացեց ՀՀ մշակույթի նախարարության <<Օրբելի եղբայրների>> տուն թանգարանը:
Բացմանը մասնակցում էր և ողջույնի խոսքով հանդես եկավ ՀՀ մշակույթի փոխնախարար Արև Սամուելյանը:
Թեքեյան Մշակութային Կենտրոնի «Զապել Եսայան» ակումբում այսօր
տեղի ունեցավ <<Սվազլյան գերդաստանի հավատամքը>> ֆիլմի շնորհանդեսը:
<<Սվազլյան գերդաստանի հավատամքը>> (2010 թ.) ֆիլմը նվիրված է XX-րդ դարի ընթացքում Սվազլյան գերդաստանի իրարհաջորդ երեք սերունդների ազգանպաստ և հայրենանպաստ գործունեությանը` ընդգրկելով հայ ժողովրդի համար բախտորոշ մի ժամանակաշրջան:
Ֆիլմում հիշատակվում է նախ` արևմտահայ հայտնի ազգային, հասարակական, քաղաքական գործիչ, իրավաբան, դիվանագետ, հրապարակախոս, գրող Միհրան Սվազլյանի (Սվազլը) (1863, Զմյուռնիա - 1935, Բոստոն) գործունեությունը Մեծ Բրիտանիայում, ապա` ԱՄՆ-ում, որպես հայ առաջին լոբբիստական կազմակերպությունների հիմնադիր-նախագահ:
ՀՀ մշակույթի նախարարության աջակցությամբ Հայաստանի նկարիչների միությունում` հայոց ցեղասպանության 95-րդ տարելիցին նվիրված, այսօր բացվող ցուցահանդեսում ներկայացվում են Հայաստանի և սփյուռքի արվեստագետների շուրջ 250 աշխատանքներ /գեղանկար, գրաֆիկա, քանդակ, դեկորատիվ արվեստ/, որոնցից մի քանի լավագույնները պետությունը ձեռք կբերի Հայաստանի ազգային պատկերասրահի ֆոնդերը համալրելու նպատակով:
Ցուցադրությունը ձևավորվել է ավելի քան 600 հայտերից` մասնագիտական հանձնաժողովի փուլային ընտրության /թեմայի համապատասխանություն, գեղարվեստական արժեք/ արդյունքում:
ՀՀ մշակույթի նախարարության աջակցությամբ Հովհ. Թումանյանի թանգարանում բացվեց ՀՀ ժողովրդական նկարիչ Հրաչյա Ռուխկյանի ծննդյան 95-ամյակին նվիրված ցուցահանդես: Հրաչյա Ռուխկյանը ծնվել է 1915 թ. Ալեքսանդրապոլում, ավարտել է Թբիլիսիի գեղարվեստի ակադեմիան, մասնակցել է Մեծ հայրենականին և վերադառնալուն պես զենքը փոխարինել վրձնով:
Սայաթ –Նովայի մահվան 250-ամյա տարելիցին նվիրված` Սայաթ-Նովայի կերպարի ստեղծման մրցանակաբաշխությունում /ժյուրիի կազմում էին Նաիրի Զարյանը, Ավետիք Իսահակյանը, Մարտիրոս Սարյանը/ Հրաչյա Ռուխկյանը արժանանում է առաջին մրցանակի: Նկարչի վրձնին են պատկանում Վարպետի հորդորով ստեղծված <<Բույլ հանճարաց>> նկարաշարը. Մեսրոպ Մաշտոց, Մովսես Խորենացի, Մխիթար Հերացի, Անանիա Շիրակացի, Թորոս Ռոսլին, Գրիգոր Նարեկացի, Մխիթար Սեբաստացի, Դավիթ Անհաղթ ...: Նա Ավետիք Իսահակյանի խորհուրդով և Վազգեն վեհափառի աջակցությամբ շրջել է Հայաստանի մարզերով և վրձնել 120 եկեղեցի: Նկարչի նվիրատվությամբ իր 60 աշխատանքները գտնվում են Արցախի պատկերասրահում:
<<Էրեբունի>> պատմահնագիտական արգելոց-թանգարանում, ապրիլի 18-ին, Հուշարձանների և տեսարժան վայրերի միջազգային օրվան նվիրված` անցկացվեց <<Գյուղատնտեսական ժառանգություն>> խորագրով միջոցառումը:
Բացման խոսքով հանդես եկավ <<Էրեբունի>> պատմահնագիտական արգելոց-թանգարանի տնօրեն, ԻԿՕՄՕՍ/Հայաստանի նախագահ Գագիկ Գյուրջյանը:
Ողջույնի խոսքեր ասացին ՀՀ մշակույթի նախարարի տեղակալ Արև Սամուելյանը,
ՀՀ արտաքին գործերի նախարարի տեղակալ Արման Կիրակոսյանը, ՀՀ գյուղատնտեսության նախարարի տեղակալ Սամվել Ավետիսյանը, Հայաստանում ՄԱԿ-ի գրասենյակի մշտական համակարգող Դաֆինա Գերչևան, Հայաստանի ճարտարապետների միության նախագահ Մկրտիչ Մինասյանը և այլք:
ՀՀ մշակույթի նախարարության աջակցությամբ Հայաստանի ժամանակակից արվեստի թանգարանում բացվեց Ռոբերտ Էլիբեկյանի, Արա Շիրազի, Էդուարդ Խարազյանի` <<Երեքի ցուցահանդես>>ը, որը արվեստագետները խորհրդանշորեն նվիրեցին թանգարանի հիմնադրի` Հենրիկ Իգիթյանի հիշատակին:
Արվեստասեր հասարակությունը մինչև մայիսի 16-ը հնարավորություն կունենա ծանոթանալու <<Նոր` անհայտ Էլիբեկյանի>> 2003-2009 թթ. առաջին անգամ ցուցադրվող շուրջ 64, Արա Շիրազի 1960-ականներից ցայսօր ստեղծած շուրջ 50 աշխատանքներին: Գեղանկարիչ Էդուարդ Խարազյանն էլ կներկայանա վերջին տասնամյակի իր նոր 50 աշխատանքներով: Ցուցահանդեսի բացմանը մասնակցելու էր եկել ՀՀ մշակույթի նախարար Հասմիկ Պողոսյանը, ով ցուցադրության մասին իր տպավորությունները կիսեց լրագրողների հետ:
ՀՀ մշակույթի նախարարության օժանդակությամբ և հովանավորությամբ Արարատյան հայրապետական թեմը, Հայաստանի ազգային պատկերասրահը և Աշխարհի հայ նկարիչների միավորումը Հայաստանի ազգային պատկերասրահում ներկայացնում են Հայոց Մեծ Եղեռնի 95-րդ տարելիցին նվիրված ցուցահանդես: Այն իր մասնակցությամբ պատվեց և բացման խոսքով հանդես եկավ վարչապետ Տիգրան Սարգսյանը: Ցուցահանդեսի բացմանը մասնակցում էին նաև Նավասարդ արքեպիսկոպոս Կճոյանը, ՀՀ մշակույթի նախարար Հասմիկ Պողոսյանը, ՀՀ սփյուռքի նախարար Հրանուշ Հակոբյանը, այլ պաշտոնատար անձինք: Ցուցահանդեսում ներկայացված են գործեր /շուրջ 100 աշխատանք և ցուցանմուշ/ Հայաստանի ազգային պատկերասրահի հավաքածուից /Վ.Սուրենյանց, Գ. Բաշինջաղյան, Հ.Արծաթբանյան, Մ. Սարյան, Հ. Հակոբյան, Էդ. Արծրունյան, Ռ. Էլիբեկյան, Փ. Միրզոյան և ուրիշներ/, ցեղասպանության թանգարան-ինստիտուտի փաստագրական նյութերից, ինչպես նաև ցուցանմուշներ Հայաստանի պատմության թանգարանի ֆոնդերից և Մ. Սարյանի տուն-թանգարանից:
<<Հայակական դուդուկի երաժշտությունը որպես մարդկության բանավոր և ոչ նյութական ժառանգության գլուխգործոց>> նախագծի լավագույն իրականացման, ինչպես նաև միջմշակութային երկխոսության գործընթացին աջակցելու համար <<Հայկական ազգային երաժշտության պահպանման>> հասարակական կազմակերպությունը, դուդուկահար Գևորգ Դաբաղյանն ու կոմպոզիտոր Վաչե Շարաֆյանը /կազմակերպության անդամներ/ պարգևատրվել են ՅՈՒՆԵՍԿՕ-ի դիպլոմներով:
Մոսկվայի գրասենյակի տնօրեն Դենդեվ Բադարչի ստորագրությամբ դիպլոմը այսօր ՀՀ մշակույթի նախարարությունում հասցեատերերին հանդիսավորությամբ հանձնեց փոխնախարար Արև Սամուելյանը:
Հուշարձանների և տեսարժան վայրերի միջազգային խորհրդի /ԻԿՕՄՕՍ/ առաջարկությամբ
ՅՈՒՆԵՍԿՕ-ն 1983 թվականից ապրիլի 18-ը նշում է որպես Հուշարձանների և տեսարժան վայրերի միջազգային օր:
2010-ը Կենսաբազմազանության միջազգային տարի հռչակելու ՄԱԿ-ի որոշմանը ընդառաջ`
ԻԿՕՄՕՍ-ը Հուշարձանների և տեսարժան վայրերի միջազգային օրը
2010 թ. նշում է □Գյուղատնտեսական ժառանգություն□ խորագրի ներքո:
Ս. թ. ապրիլի 12-19-ը <<Հայաստանի գրադարանային ասոցիացիա>> հասարակական կազմակերպությունը մայրաքաղաքում, հանրապետության մարզերում և համայնքներում անցկացնում է գրադարանային շաբաթ, որի ընթացքում նախատեսվում են.
Առաջիկա համերգին Եվա Մեձորյանը կներկայանա հայկական և ամերիկյան ստեղծագործությունների կատարումներով:
Երգչուհին, ում «Անուշ գարուն» խորագրով հայկական ժողովրդական երգերի ձայնասկավառակը թողարկվել է 2009 թ., նաև հասարակական գործիչ է և բարեգործ /օգնություն է ցուցաբերում Հայաստանի դպրոցներին /:
Ս. թ. փետրվարի 20-21-ը Վաշինգտոնի արվեստի ազգային պատկերասրահի կինոդահլիճում տեղի ունեցավ հանրահայտ կինոռեժիսոր, կինոյի պոետ Արտավազդ Փելեշյանի <<Սկիզբը>>, <<Մենք>>, <<Բնակիչները>>, <<Կյանքը>>, <<Եղանակները>>, <<Մեր դարը>> և <<Վերջը>> ֆիլմերի ցուցադրությունները:
Վաշինգտոնի արվեստի ազգային պատկերասրահը հանձինս ֆիլմերի բաժնի պետ Մարգրետ Փարսոնսի, շնորհակալություն է հայտնում ՀՀ մշակույթի նախարարությանը` ծրագրին ցուցաբերած աջակցության համար:
к стартовой
наверх