ՀՀ մշակույթի նախարարությունը, Երևանի քաղաքապետարանը և <<Սայաթ-Նովա>> մշակութային միությունը ս.թ. մայիսի 23-ին, ժամը 12:00-ին /Սայաթ-Նովայի հուշարձանի մոտ/ հրավիրում են մասնակցելու
Սայաթ-Նովային նվիրված ավանդական Վարդատոնին:
Համերգային ծրագիրը ներկայացնում է <<Սայաթ-Նովա>> աշուղական երգի վաստակավոր անսամբլը: Գեղ.ղեկավար` ՀՀ վաստակավոր արտիստ Թովմաս Պողոսյան:
ՀՀ մշակույթի նախարարության, Հայաստանի պետական սիմֆոնիկ նվագախմբի աջակցությամբ և ՀՀ առողջապահության նախարարության հովանավորությամբ 2010 թ. հունվարի 17-ին, ժամը 18.00-ին “Արամ Խաչատրյան” համերգասրահում տեղի կունենա Բժիշկների Համաշխարհային Նվագախմբի բարեգործական բացառիկ համերգը: Նվագախմբի հիմնադիրը և դիրիժորն է Բեռլինի Շարիտե համալսարանի բժշկական կենտրոնի պրոֆեսոր Շտեֆան Վիլլիխը, երևանյան համերգի մենակատարը` Յան Սիբելիուսի անվան ջութակահարների հեղինակավոր մրցույթի 1-ին մրցանակակիր, Բելգիայի Էլիզաբեթ Թագուհու անվան մրցույթի առաջին մրցանակակիր /2005 թ./ Սերգեյ Խաչատրյանը: 
2010 թ. hունվարի 14-ին կլրանար ԽՍՀՄ Ժողովրդական արտիստ, կոմպոզիտոր Էդգար Հովհաննիսյանի 80-ամյակը, ով բացառիկ ներդրում է ունեցել հայ երաժշտարվեստի զարգացման գործում, ում ստեղծագործական հիմնական մոտիվը ազգն էր, նրա պատմությունն ու կյանքը` խստաշունչ վիպականությամբ, դինամիկ հուզականությամբ, խորը փիլիսոփայական և էպիքական կերպարներով, ում ստեղծագործական համարձակ լուծումները բխում էին հայ ժողովրդական և դասական երաժշտության ավանդույթներից:
Էդգար Հովհաննիսյանը 1953 թ. ավարտել է Երևանի Կոմիտասի անվան պետական կոնսերվատորիան` Գր. Եղիազարյանի դասարանը, 1957 թ. Արամ Խաչատրյանի ղեկավարությամբ` Մոսկվայի կոնսերվատորիան:
Կոմիտասի անվան կամերային երաժշտության տանը տեղի ունեցավ
“Ձմեռային գիշերվա երազ” խորագրով տաղանդաշատ պատանի կատարողների համերգ, որին ներկա էին ՀՀ Նախագահ Սերժ Սարգսյանը տիկնոջ հետ, ՀՀ մշակույթի նախարար Հասմիկ Պողոսյանը, մշակույթի ավելի քան 250 գործիչներ: Համերգի ավարտին մշակույթի գործիչները հնարավորություն ունեցան իրենց ամանորյա մաղթանքներն ու ցանկությունները, ստեղծագործական մտորումները կիսելու Հանրապետության Նախագահի հետ:
Հին տոմարով Նոր տարվա տոնական երեկոյին հանդես եկան մանկական կամերային նորաստեղծ նվագախումբը Սերգեյ Սմբատյանի ղեկավարությամբ, մանկական Եվրատեսիլում Հայաստանը հաջողությամբ ներկայացրած երեխաները, նաև շնորհաշատ կատարողներ մարզերից:
Ս. թ. դեկտեմբերի 24-ին, Հովհաննես Թումանյանի թանգարանում տեղի ունեցավ □Սուրբ ծննդյան հեքիաթ□ խորագիրը կրող ցուցահանդես-դասախոսություն: Թանգարանի ֆոնդից ցուցադրության էին ներկայացվել Թումանյանի ընտանիքին պատկանող ամանորյա բացիկներ, խաղալիքներ և տոնական այլ պարագաներ: Ցուցադրությանը հաջորդեց □Ոսկե դիվան□ հեքիաթագիտական հանդեսի անդրանիկ համարի և Հովհ. Թումանյանի □Սրամիտ հովիվը□ զվարճալի խաղի շնորհանդեսները:
Ցուցադրության և հանդեսի վերաբերյալ դասախոսությամբ հանդես եկավ Թումանյան թանգարանի հեքիաթագիտության բաժնի ղեկավար, բանասիրական գիտությունների դոկտոր` Ալվարդ Ջիվանյանը:
Ա. Սպենդիարյանի անվան օպերայի և բալետի ազգային ակադեմիական թատրոնում դեկտեմբերի 22-ին տեղի ունեցավ մեծատաղանդ երգչուհի, Հայաստանի սոխակ Գոհար Գասպարյանի ծննդյան 85-ամյակին նվիրված հոբելյանական հանդիսավոր երեկո: Հանդիսությանը համերգային կատարումներով հանդես եկան Գոհար Գասպարյանի անվան մրցույթի դափնեկիրները, մեդալակիրները, դիպլոմանտները, երգչուհու տարբեր տարիների ուսանողները:
Ծրագրում հնչեցին Վերդիի, Պուչչինիի, Մասկանիի, Գունոյի և հայ կոմպոզիտորներ Ա. Տիգրանյանի "Անուշ", "Դավիթ Բեկ", Կոմիտասի ստեղծագործություները: Երեկոն եզրափակվեց երգչուհու լավագույն կատարումներից մեկի ցուցադրությամբ` Մանոնի գասպարյանական անզուգական ծիծաղով: 
ՀՀ մշակույթի նախարարությունում այսօր ստորագրվեց „Հայաստանի ազգային պատկերասրահի հավաքածուների վերականգնման համար սարքավորումների վերազինման ծրագրի“ դրամաշնորհային համաձայնագիր, համաձայն որի Ճապոնիայի Կառավարությունը Հայաստանի Հանրապետությանը տրամադրվող մշակութային դրամաշնորհի ծրագրի շրջանակներում Հայաստանի ազգային պատկերասրահին կհատկացնի 27 900 000 ճապոնական իենի չափով տեխնիկական սարքավորումներ, որոնք կնպաստեն այդ հաստատության տեխնիկական հագեցվածությանը, մասնավորապես ժամանակակից սարքավարումներով և մեթոդներով պահպանման որակի բարձրացմանը /էքսպոնատների ֆիզիկա-քիմիական, ռենտգեն և այլ ուսումնասիրություններ ու աշխատանքներ իրականացնող/: 
Մշակութային կյանքի լուսաբանման ասպարեզում ծավալած երկարամյա գործունեության համար, ինչպես նաև ծննդյան հոբելյանական տարեդարձի առթիվ, Թեքեյան մշակութային միությունում լրագրող Մարիետա Մակարյանին շնորհավորելու էին եկել լրագրողի մտերիմները` մտավորականներ, արվեստի գործիչներ: Հանդիսությունը վարում էր ՀՀ վաստակավոր արտիստ Ամիրան Գալստյանը:
Շնորհավորական խոսքով, ինպես նաև հոբելյարի աշխատանքային բազմաշերտ գործունեության ներկայացմամբ հանդես եկան ՀՀ արվեստի վաստակավոր գործիչ Հրաչյա Աշուղյանը, ՀԹԳՄ նախագահ Հակոբ Ղազանչյանը, ՀՌԱԿ փոխատենապետ, “Ազգ” օրաթերթի քաղաքական մեկնաբան Արմեն Մանվելյանը, ժողովրդական դերասան Գուժ Մանուկյանը, “Մեկ ազգ, մեկ մշակույթ” հիմնադրամի գործադիր տնօրեն Թամարա Պողոսյանը: 
“Հայկական հուշարձանների ճանաչման ծրագիր” հասարակական կազմակերպությունը և Գյումրիում Իտալիայի պատվո հյուպատոսը ՀՀ մշակույթի նախարարության աջակցությամբ և Վիվասել-ՄՏՍ-ի, ԱՄՆ միջազգային զարգացման գործակալության հովանավորությամբ` “Զվարթնոց” պատմամշակութային արգելոց-թանգարանում տեղադրեցին հինգ լեզուներով բրալյան վահանակներ` հասարակությանը սահմանափակ կարողություններով մարդկանց լիարժեք ինտեգրելու նպատակով: 
Արամ Խաչատրյան համերգասրահում տեղի ունեցավ համերգ` նվիրված Ամենայն Հայոց Կաթողիկոս Ն.Ս.Օ.Տ.Տ. Գարեգին Բ-ի գահակալության 10-ամյակին: Հանդիսությանը, որը մեկնարկեց Ամենայն Հայոց Կաթողիկոսին ուղղված ողջույնի ուղերձով, ներկա էին ԱԺ նախագահ Հովիկ Աբրահամյանը, ՀՀ մշակույթի նախարար Հասմիկ Պողոսյանը, հոգևոր հայրեր, մտավորականության ներկայացուցիչներ:
Օրվա խորհուրդը նշանավորվեց Երկանյանի, Կոմիտասի, Չուխաջյանի, Սարյանի, Խաչատրյանի, Հովհաննիսյանի, Մալերի գործերի կատարումներով: Համերգին մասնակցում էին վաստակավոր կոլեկտիվ Հայաստանի պետական ֆիլհարմոնիկ նվագախումբը /գեղ.ղեկավար և գլխ.դիրիժոր Էդուարդ Թոփչյան/ և վաստակավոր կոլեկտիվ Հայաստանի պետական ակադեմիական երգչախումբը /գեղ.ղեկավար և գլխ.դիրիժոր Հովհաննես Չեքիջյան/:
ԽՍՀՄ ժողովրդական արտիստ, ԽՍՀՄ և ՀԽՍՀ Սոցիալիստական աշխատանքի հերոս, ԽՍՀՄ և ՀԽՍՀ Պետական մրցանակի դափնեկիր, պրոֆեսոր Գոհար Գասպարյանի ծննդյան օրը, դեկտեմբերի 14-ին, ձևավորված ավանդույթի համաձայն, Կոմիտասի անվան այգու պանթեոն էին այցելել Սեդա Գասպարյանը, մեծ երգչուհու տաղանդի երկրպագուները` նորից ու նորից խոնարհվելու նրա շիրմին, խնկարկելու արվեստագետին:
սկիզբ
վերև