ՀՀ մշակույթի նախարարությունը, Երևանի քաղաքապետարանը և <<Սայաթ-Նովա>> մշակութային միությունը ս.թ. մայիսի 23-ին, ժամը 12:00-ին /Սայաթ-Նովայի հուշարձանի մոտ/ հրավիրում են մասնակցելու
Սայաթ-Նովային նվիրված ավանդական Վարդատոնին:
Համերգային ծրագիրը ներկայացնում է <<Սայաթ-Նովա>> աշուղական երգի վաստակավոր անսամբլը: Գեղ.ղեկավար` ՀՀ վաստակավոր արտիստ Թովմաս Պողոսյան:
ՀՀ մշակույթի նախարարության նախաձեռնությամբ “ԷՔՍՊՈՄԵԴԻԱ” ցուցահանդեսների նախագծման կենտրոնը 2009 թ. փետրվարի 13-14-ը Հայաստանի նկարիչների միությունում անցկացրեց “ART EXPO” ցուցահանդեսը, որի ընթացքում ներկայացվեց արվեստի տարբեր ոլորտներում 2008 թ. իրականացված ծրագրեր, մշակութային արտադրանք, ինչպես նաև` 2009 թ. նախագծեր:
2008թ. սեպտեմբերին Հայաստանում անցկացվեց արդեն ավանդական դարձած “Ռուսական խոսքի օրեր” ծրագիրը, որի շրջանակներում Հայաստան այցելեցին ռուս անվանի գրողներ և գրականագետներ: Պատվիրակության կազմում էր նաև Ռուսաստանի գրողների միության վարչության քարտուղար Նիկոլայ Պերեյասլովը, ով իր հայաստանյան տպավորությունները “Ռուսական խոսքի օրեր”-ի մասին ակնարկների ձևով “Период цветения кипрея” и “Русское слово у подножия Арарата” գրի է առել և տպագրել “День литературы” և “Литературная Россия” թերթերոմ, նաև մի շարք ինտերնետային հրապարակումներում: 
Գաբրիել Սունդուկյանի անվան ազգային ակադեմիական թատրոնում տեղի ունեցավ գրող, կինոսցենարիստ, դրամատուրգ Արմեն Վաթյանի “Պետերբուրգյան սինդրոմ” ռոմանտիկ կատակերգության երևանյան առաջնախաղը: Մեր հայրենակցի հեղինակած կատակերգության պիտերյան մեկնաբանությունը դիտում էին նաև ՀՀ վարչապետ Տիգրան Սարգսյանը և ՀՀ մշակույթի նախարար Հասմիկ Պողոսյանը:
Կոմիտասի անվան պետական կոնսերվատորիայում ՀՀ մշակույթի նախարարի տեղակալ Դավիթ Մուրադյանի, հիմնադրամի հիմնադիր անդամների, մարզային ներկայացուցիչների, երաժշտական, արվեստի և գեղարվեստի դպրոցների դասատուների մասնակցությամբ տեղի ունեցավ “Մշակութային կրթության աջակցության հիմնադրամի” շնորհանդեսը: Բացման խոսքով հանդես եկան հիմնադրամի տնօրեն Նելլի Սարգսյանը, Ալ. Սպենդիարյանի անվ. երաժշտական դպրոցի տնօրեն Սամվել Սահակյանը, ոլորտի վաստակաշատ մասնագետներ ու մանկավարժներ:
Գոհունակությամբ արձանագրելով Թուրքիայում տարվող քաղաքականության փոփոխությունները իր վարչական տարածքում գտնվող հայկական հուշարձանների նկատմամբ և ողջունելի համարելով այդ ժառանգության կոնսերվացման և վերականգնողական աշխատանքների ծավալների ընդլայնումը, ժառանգության հայ պահապանները, այնուհանդերձ մտահոգ են այդ երկրի տարածքում գտնվող նշանավոր հուշարձանախմբերի ճակատագրով: Դրանցից շատերի պահպանությունը վտանգված է ինչպես բնական սպառնալիքների /հողմնահարում, բնական ծերացում, հրաբխային ակտիվություն, ջրաթափանցում, երկրաբանական անկայունություն և այլն/, այնպես էլ մարդու գործունեության հետ կապված վնասների /հասարակական գիտակցության բացակայություն, ոչ պատշաճ խնամք, վանդալիզմ, գանձագողություն և այլն/ պատճառով: 
Կարծես երեկ էր, որ մենք մեծ շուքով տոնեցինք Հայաստանի Պետական Ակադեմիական կապելլայի 70-ամյակը: Այս տարիների զգալի բեռը մոտ հինգ տասնամյակ Հովհաննես Չեքիջյանի ուսերին է: Շարունակելով Կարա-Մուրզայի, Մ.Եկմալյանի, Մեծն Կոմիտասի ավանդները, Հայաստանի Պետական երգչախմբի հիմնադրման օրվանից` 1937 թվին մեծանուն երաժիշտներ Թաթուլ Ալթունյանից և Արամ Տեր-Հովհաննիսյանից հետո` 1961 թվից մինչև օրս կապելլան մեծ վարպետությամբ ղեկավարում է Հ.Չեքիջյանը: Այդ նույն թվին Ստամբուլից Երևան է գալիս 33-ամյա Հովհաննես Չեքիջյանը:
Հունվարի 24-ին լրացավ Պարույր Սևակի 85 - ամյակը: Գրողի ծննդավայրն այդ օրը մարդաշատ էր: Զանգակատուն էին ժամանել գրողներ, արվեստագետներ, պաշտոնատար անձինք, հոգևոր դասի ներկայացուցիչներ, սևակյան գրչի երկրպագուներ, բարեկամներ, աշակերտներ...: 
Այսօր` հայ հասարակայնությունը մեծ բանաստեղծուհի, արձակագիր, հրապարակախոս Սիլվա Կապուտիկյանի ծննդյան օրվա առթիվ սիրո, երախտագիտության ու հարգանքի տուրք մատուցեց այցելելով Կոմիտասի այգու պանթեոն` մեծ բանաստեղծուհու շիրմին, այնուհետև` Բաղրամյան 1-ին անցուղի, բն 26, այժմ` Ս. Կապուտիկյան հասցեի արդեն նրա տուն –թանգարան, որտեղ շատերը եղել էին բազում անգամներ, վայելելով Սիլվա Կապուտիկյանի ջերմ հյուրընկալությունը: 
Սիլվա Կապուտիկյանի ծննդյան օրվա առթիվ` հիշատակի արարողությանը մասնակցելու էր եկել սփյուռքահայ գրող, հրապարակախոս, գրականագետ Երվանդ Ազատյանը, ով Կոմիտասի անվան այգու պանթեոնում իր սրտի խոսքը հղեց Սիլվայապաշտ բարեկամներին:
Հայրենի մտաւորականութեան եւ մեր հայրենական ժողովուրդին հետ ծանր պարտքն ունիմ այսօր բերելու խօսքը մեր սփիւռքի հարազատներուն, սփիւռք, որուն ճանաչողութեան ու կենսաւորման մէջ անգնահատելի առաքելութիւն մըն է, որ իրականացուցած էր բանաստեղծուհին։
Մեկ տարուց ավելի է անցել Ֆրանսիայում Հայաստանի տարվա միջոցառումների ավարտից, սակայն արձագանքներն ու «մերսիները» դեռ շարունակվում են։
Ֆրանսիայում Հայաստանի տարին լավագույնս կազմակերպելու համար ֆրանսիական կառավարությունը պարգեւներ է շնորհել հայ մշակույթի մի շարք գործիչների։ 
Հ. Թումանյանի տուն-թանգարանում այսօր տեղի ունեցավ ՀՀ մշակույթի նախարար Հասմիկ Պողոսյանի հաշվետու ասուլիսը, որի ավարտին` մշակույթի տարբեր ասպարեզներում տարվա լավագույն 9 ծրագրեր նախարարի կողմից արժանացան պատվոգրերի ու դրվատական խոսքերի:
Նախարարը ասուլիսի մասնակիցներին ծանոթացրեց նաև 2009 թ. հունվար-ապրիլ ժամանակահատվածում մշակույթի նախարարության կողմից լրագրողների և ԶԼՄ-ների համար հայտարարվող մրցույթին:
“Մեկ ազգ, մեկ մշակույթ” համահայկական ծրագրի շրջանակներում
անցկացվեց
“Հայկական միջազգային թատերական նախագիծ” կլոր սեղան
հայ և օտարազգի թատերական գործիչների և ռեժիսորների մասնակցությամբ
/ 2008 թ. դեկտեմբերի 19-26-ը, 2009 թ. /
ՀՀ մշակույթի նախարարության աջակցությամբ դեկտեմբերի 23-ին Արամ Խաչատրյան համերգասրահում Հայաստանի պետական ֆիլհարմոնիկ նավագախումբը և Հայաստանի պետական ակադեմիական երգչախումբը կատարեցին Բեթհովենի 9-րդ սիմֆոնիան` ԽՍՀՄ և Հայաստանի ժողովրդական արտիստ, ԽՍՀՄ և Հայաստանի պետական մրցանակների դափնեկիր, մաեստրո Հովհաննես Չեքիջյանի ղեկավարությամբ:
Ս.թ. դեկտեմբերի 19-ին ՀԱՊ-ում բացվեց Հայաստանի ժողովրդական նկարիչ Հակոբ Կոջոյանի ծննդյան 125-ամյակին նվիրված ցուցահանդես:
Վլադիկավկազի ուսումնարանում, Մոսկվայում Պրուսովի արվեստանոցում, ապա նաև Մյունխենի Անտոն Աշբեի Գեղարվեստական ստուդիայում ու 1905թ.` Մյունխենի Գեղարվեստական ակադեմիայում ուսանած նկարչի գործունեությունը լայն ընդգրկում է ունեցել. գրաֆիկա, գեղանկար, կիրառական արվեստ, բեմանկարչություն, մանկավարժություն: Կոջոյանը պատկանել է ավանդույթ ստեղծող արվեստագետների թվին, և դա է նրա գլխավոր վաստակը: 
սկիզբ
վերև