ՀՀ մշակույթի նախարարությունը, Երևանի քաղաքապետարանը և <<Սայաթ-Նովա>> մշակութային միությունը ս.թ. մայիսի 23-ին, ժամը 12:00-ին /Սայաթ-Նովայի հուշարձանի մոտ/ հրավիրում են մասնակցելու
Սայաթ-Նովային նվիրված ավանդական Վարդատոնին:
Համերգային ծրագիրը ներկայացնում է <<Սայաթ-Նովա>> աշուղական երգի վաստակավոր անսամբլը: Գեղ.ղեկավար` ՀՀ վաստակավոր արտիստ Թովմաս Պողոսյան:
Օգոստոսի 2-ին Ազգային պատկերասրահում բացվեց ֆրանսիահայ գեղանկարիչ Ժան -Պիեռ Սեֆերյանի անհատական ցուցահանդեսը։ Երևանում Ժան-Պիեռ Սեֆերյանը հայ արվեստասեր հասարակությանը ներկայանում է առաջին անգամ` 28 գեղանկարչական աշխատանքներով: 
2008 թվականին իրականացվող “Մեկ ազգ, մեկ մշակույթը” փոքր ինչ փոխված ձևաչափով նպատակ ունի մշակույթի գործիչների փոխայցելություններին և համատեղ միջոցառումներին զուգընթաց ձեռնարկել միջոցներ և իրականացնել միջոցառումներ, որոնք միտված կլինեն ազգային ինքնության պահպանման, Սփյուռքի ստեղծագործող երիտասարդությանը ազգային մշակույթի պահպանության գործին ներգրավելու, համահայկական մշակութային ընդհանուր դաշտ ձևավորելու խնդիրների լուծմանը:
Փառատոնը միտված է միջազգային, ամենադեմոկրատական և բոլորին հասկանալի` մնջախաղի լեզվով, ժամանակակից ժամանցային ռեսուրսներով և հարուստ մշակութային ավանդույթներով ներկայանալ աշխարհին և միջազգային հանրությանը: Փառատոնի նպատակներից է համագործակցությունը միջազգային թատերական և մշակութային կազմակերպությունների հետ, անդամակցությունը համաշխարհային թատերական գործընթացներին, ինչպես նաև միջազգային ասպարեզում մնջախաղի լավագույն փորձը հայ և արտերկրի հանդիսատեսին հասանելի դարձնելը:
2008թ. հուլիսի 9-19 Ավստրիայի Գրաց քաղաքում կայացել են համաշխարհային երգչախմբային 5-րդ խաղերը / օլիմպիադան/: Փառատոնի գլխավոր կազմակերպիչ “Մուզիկա-Մունդի” -ի հրավերով և ՀՀ մշակույթի նախարարության աջակցությամբ օլիմպիադային մասնակցել է Էջմիածին քաղաքի “Տարոն” մանկապատանեկան գուսանական երգչախումբը: “Տարոն” երգչախումբը հանդես է եկել թվով 28-րդ` Ֆոլկ /Սայաթ-Նովա, Ջիվանի, Հավասի և այլն/ անվանակարգում, 8 փոքրիկ երգիչների կազմով, կիսաեզրափակիչում վաստակելով ոսկե դիպլոմ, իսկ եզրափակիչում` բրոնզե մեդալ:
ՀՀ մշակույթի նախարարությունը, “Առնո Բաբաջանյանի հիշատակի” միջազգային հիմնադրամը և “Օվացիա” պրոդյուսերական կենտրոնը օգոստոսի 9-ին Ծաղկաձորում կազմակերպում են բացօթյա համերգ` “Առնո Բաբաջանյան” երգի առաջին միջազգային փառատոնին ընդառաջ:
Գյումրու պատմական կենտրոնում տեղադրված տեղեկատվական վահանակների շնորհանդեսը կայացավ ս. թ. հուլիսի 26-ին, ժամը 16:00-ին՝ Ղորղանյան-Գայ-Գորկի փողոցների հանգույցում: Այն կրում է "Վերածնունդ" կարգախոսը՝ խորհրդանշելով թե՛ քաղաքի պատմության և թե՛ աղետյալ քաղաքի զարթոնքը:
Կառավարության որոշմամբ ս/թ հուլիսի 24-ին հաuտատվել է ՀՀ կառավարության 2008-2012 թվականի գործունեության միջոցառումների ծրագիրը: Այսօր հրավիրած մամուլի ասուլիսում ՀՀ մշակույթի նախարար Հասմիկ Պողոսյանը լրագրողներին է ներկայացրել Մշակույթի նախարարության գործունեության միջոցառումների հնգամյա ծրագրի հիմնական դրույթները: 
2008 թ. հուլիսի 8-ին Պեկինում բացվել է Կերպարվեստի համաշխարհային
III-րդ բիենալեն, որը նվիրվել է օլիմպիական խաղերին: Հայաստանը այդ բիենալեին ներկայացվել է չորս արվեստագետնրի մեկական ստեղծագործությունով: Մշակույթի նախարարանության կողմից գործուղված էին Արևիկ Պետրոսյանը և Վահրամ Հարությունյանը, Չինաստանի կողմից հրավիրված էր Կարեն Աղամյանը և ինտեռնետային հայցով ընդգրկված Սուրեն Սա ֆարյանը:
Հուլիսի 25-ին, ժամը 19:00-ին Օպերայի և բալետի ազգային ակադեմիական թատորնում տեղի կունենա Հայաստանի պարարվեստի “Բարեկամություն” պետական անսամբլի ստեղծման 20-ամյա հոբելյանին նվիրված տոնական համերգը:
Միջոցառմանը մասնակցում են հայազգի երիտասարդ պարողներ Արսեն Մեհրաբյանը և Վահե Մարտիրոսյանը, ովքեր այժմ աշխատում են եվրոպական հանրահայտ բալետային թատրոններում` Գերմանիա, Շվեյցարիա
ՀՀ մշակույթի նախարար Հ. Պողոսյանը հրաժեշտի հանդիպում ունեցավ ՀՀ-ում ՍԱՀ գործերի ժամանակավոր հավատարմատար, լիազոր նախարար Մամուն Հարիրիի հետ: Պարոն Հարիրին ընդգծեց, որ Հայաստանն ակտիվ մշակութային կյանքով է ապրում, ինչն ապացուցում է տարածաշրջանի մշակութային կենտրոն լինելու իրողությունը:
ՀՀ մշակույթի նախարար Հ. Պողոսյանը ընդունեց ՀՀ-ում Հնդկաստանի արտակարգ և լիազոր դեսպան Րինա Պանդեյին: Զրույցի ընթացքում անդրադարձ կատարվեց մշակույթի նախարարության 2008 թ. ծրագրային միջոցառումներին: Երկուստեք ընդգծվեցին մշակութային փոխանակումները խթանելու ցանկությունը:
ՀՀ վարչապետ Տիգրան Սարգսյանի որոշմամբ Դավիթ Մուրադյանը նշանակվել է Հայաստանի Հանրապետության մշակույթի նախարարի տեղակալ
Պրն. Միլուշևը հանդիպում ունեցավ ՀՀ մշակույթի նախարար տկն. Պողոսյանի հետ: Հանդիպման ընթացքում քննարկվեցին 2008 թ. սեպտեմբերի 15-21-ը Բուլղարիայի մշակույթի նախարարության “Սրեդեց” պատկերասրահում Ս. Փարաջանովի ցուցահանդեսի կազմակերպման մանրամասները, հաջորդ տարի Հայաստանում կայանալիք Բուլղարիայի տարվա մշակութային միջոցառումների ծրագիրը, Հայաստանում Յավորովի արձանը տեղադրելու առաջարկությունը, համատեղ կինոծրագրեր իրականացնելու հնարաավուրությունները և այլն: 
Հուլիսի 18-ին “Ոսկե ծիրան” 5-րդ կինոփառատոնի շրջանակներում ՀՀ արտաքին գործերի նախարարությունում տեղի ունեցավ միջազգային կոնֆերանս` “Կինոն որպես միջմշակութային երկխոսության միջոց” խորագրով:
սկիզբ
վերև